“யாரும் எதிர்பார்க்காத அதிசயம்..” சேற்றில் சிக்கி சுழன்ற கார் சக்கரங்கள்… திடீரென பின்புறம் வந்து நின்ற காளை மாடு.. அப்புறம் நடந்தது தான் ட்விஸ்ட்.. நெட்டிசன்களை வியக்க வைத்த வீடியோ..!!

சேற்றில் சிக்கித் தவித்த கார் ஒன்றை, காளை மாடு ஒன்று பின்புறமாகத் தள்ளி மீட்க உதவிய நெஞ்சை நெகிழவைக்கும் வீடியோ சமூக ஊடகங்களில் வெளியாகி இணையவாசிகளின் பாராட்டுக்களைப் பெற்று வருகிறது. மோசமான சாலைக் காரணமாகக் கார் ஒன்று சேற்றில் மாட்டி நகர முடியாமல் தவித்துள்ளது. காரை ஓட்டி வந்த ஓட்டுநர் அதைச் சேற்றிலிருந்து வெளியே கொண்டு வரப் பலமுறை முயன்றும், காரின் சக்கரங்கள் ஒரே இடத்திலேயே சுழன்றபடி மேலும் ஆழமாகச் சிக்கிக் கொண்டதால் அவர் செய்வதறியாது திகைத்து நின்றுள்ளார்.

அப்போது அங்கு வந்த காளை மாடு ஒன்று, காரின் நிலையைப் புரிந்து கொண்டு மனிதர்களுக்கு உதவும் வகையில் களத்தில் இறங்கியது. சற்றும் சளைக்காமல் தனது முழு பலத்தையும் பயன்படுத்தி, காரின் பின்புறத்திலிருந்து காளை மாடு தொடர்ந்து முன்னோக்கித் தள்ளியது. காளையின் இந்தத் தீவிரமான மற்றும் விடாமுயற்சியால் ஒருவழியாகக் கார் சேற்றிலிருந்து பத்திரமாக வெளியேறியது. விலங்குகளின் மனிதநேயத்தையும், ஆபத்தான நேரத்தில் அவை செய்யும் துரித உதவியையும் நெட்டிசன்கள் வியந்து பாராட்டி இந்த வீடியோவைப் பெருமளவில் பகிர்ந்து வருகின்றனர்.