“நான் பார்த்ததிலேயே இதுதான் மிக மோசம்..” குழந்தைகளைச் சீரழித்து.. ஆபாச வீடியோ எடுத்த கொடூரன்… ஆண்மையை நீக்க உத்தரவிட்ட நீதிமன்றம்.. 39 நிமிடத்தில் நடந்த வரலாற்று தீர்ப்பு..!!

அமெரிக்காவின் லூசியானா மாநிலத்தைச் சேர்ந்த முன்னாள் காவலரும், தன்னார்வ தீயணைப்பு வீரருமான 31 வயதான கெட்ரேயன் கே. வில்லியம்ஸ், சிறுவனை பாலியல் வன்புணர்வு செய்தது, தகாத முறையில் நடந்துகொண்டது மற்றும் குழந்தைகளின் ஆபாசப் படங்களை வைத்திருந்தது ஆகிய குற்றச்சாட்டுகளின் கீழ் கடந்த அக்டோபர் 1 அன்று குற்றவாளி எனத் தீர்ப்பளிக்கப்பட்டார். இவர் தான் பணியாற்றிய தீயணைப்பு நிலையங்களில் 8 முதல் 11 வயதுக்குட்பட்ட பல சிறுவர்களை துன்புறுத்தியதுடன், அவற்றை வீடியோவாகவும் பதிவும் செய்துள்ளார். இவருக்கு மூன்று ஆயுள் தண்டனைகள் விதிக்கப்பட்டதோடு, கடந்த வியாழக்கிழமை (நவ 12) அன்று இரசாயன முறையில் ஆண்மை நீக்கம் செய்யவும் உத்தரவிடப்பட்டுள்ளது; அமெரிக்காவில் இத்தகைய கடுமையான தண்டனையை எதிர்கொள்ளும் இரண்டாவது நபர் இவராவார்.

“ஒருவர் ஒரு குழந்தையைப் பாலியல் ரீதியாகத் தவறாகப் பயன்படுத்தினால், நாங்கள் அவரது ஆண்மையைப் பறிப்போம்!” என்று 18வது நீதித்துறை மாவட்ட வழக்கறிஞர் கடந்த வெள்ளிக்கிழமை (நவ 13) வெளியிட்ட அறிக்கையில் தெரிவித்துள்ளார். லூசியானாவில் பாலியல் வன்கொடுமை குற்றங்களுக்குக் கட்டாய ஆயுள் தண்டனை விதிக்கப்பட்டாலும், அரசுத் தரப்பு வழக்கறிஞர்கள் இவருக்கு இரசாயன ஆண்மை நீக்கத்தை உறுதி செய்துள்ளனர். 2008-ல் நிறுவப்பட்டு 2024-ல் திருத்தப்பட்ட லூசியானா சட்டத்தின்படி, கடுமையான பாலியல் குற்றத்திற்காகத் தண்டிக்கப்படுவோருக்கு ஆண்மை நீக்கம் செய்ய நீதிபதிக்கு அதிகாரம் உள்ளது. தகுந்த நீதியால் இனி அந்த நபரால் எந்தக் குழந்தையையும் துன்புறுத்த முடியாது என்று பாதிக்கப்பட்ட குடும்பங்கள் ஆறுதல் அடைவார்கள் எனத் தெரிவித்த மாவட்ட நீதிபதி, தான் பார்த்ததிலேயே இதுவே மிகவும் “மோசமான” குழந்தை பாலியல் வன்கொடுமை வழக்கு என்றும் குறிப்பிட்டுள்ளார்.