CINEMA
BREAKING :சிறந்த திரைக்கதை வசனத்திற்கான தேசிய விருது பெற்றார் லக்கி பாஸ்கர் இயக்குநர் வெங்கீ அட்லூரி..!!
பிரபல இயக்குனர் வெங்கி அட்லூரி இயக்கத்தில், துல்கர் சல்மான் நடிப்பில் வெளியான ‘லக்கி பாஸ்கர்’ திரைப்படம் தேசிய விருதுப் பட்டியலில் முத்திரை பதித்துள்ளது. இத்திரைப்படத்திற்காக சிறந்த திரைக்கதை வசனத்திற்கான புகழ்பெற்ற தேசிய விருதை இயக்குனர் வெங்கி அட்லூரி தட்டிச் சென்றுள்ளார். படத்தின் விறுவிறுப்பான கதைக்களமும், ஆழமான வசனங்களும் ரசிகர்களை மட்டுமின்றி, தேசிய விருதுக் குழுவினரையும் வெகுவாகக் கவர்ந்திருப்பதை இந்த அங்கீகாரம் உணர்த்துகிறது.
வெங்கி அட்லூரி இயக்கிய இந்தத் திரைப்படத்தில் நடிகர் துல்கர் சல்மான் முதன்மைக் கதாபாத்திரத்தில் நடித்திருந்தார் என்பது குறிப்பிடத்தக்கது. வங்கிக் மோசடிகள் மற்றும் நடுத்தர வர்க்க மனிதனின் வாழ்வியலை மையமாகக் கொண்டு உருவாக்கப்பட்ட ‘லக்கி பாஸ்கர்’ படத்தின் திரைக்கதை மற்றும் வசனங்கள் வெளியீட்டின் போதே பெரும் வரவேற்பைப் பெற்றன. தற்போதைய இந்த தேசிய விருது அறிவிப்பு, ஒட்டுமொத்த படக்குழுவினருக்கும் சினிமா ரசிகர்களுக்கும் பெரும் மகிழ்ச்சியை ஏற்படுத்தியுள்ளது.
