LATEST NEWS
திமுக முன்னாள் MLA காலமானார்… ஓடிவந்து கண்ணீர் அஞ்சலி செலுத்திய உதயநிதி ஸ்டாலின்.. சோகத்தில் கழகம்..!!
திமுக முன்னாள் சட்டமன்ற உறுப்பினர் ராமச்சந்திரனின் மறைவுக்கு, தமிழக விளையாட்டுத்துறை அமைச்சர் உதயநிதி ஸ்டாலின் நேரில் சென்று கண்ணீர்மல்க அஞ்சலி செலுத்தினார். பேரறிஞர் அண்ணா காலத்திலேயே தன்னை கழகத்தில் இணைத்துக் கொண்டு, கட்சியின் வளர்ச்சிக்காக தொடக்க காலம் முதலே அரும்பாடுபட்ட மூத்த முன்னோடியான ராமச்சந்திரனின் இழப்பு ஒட்டுமொத்த திமுக குடும்பத்திற்கும் பேரிழப்பாகும் என்று அவர் உருக்கமாகத் தெரிவித்துள்ளார்.
கழகத் தலைவர் கலைஞர் கருணாநிதி அவர்கள் அண்ணாநகர் தொகுதியில் போட்டியிட்டபோது, களத்தில் நின்று அவரது வெற்றிக்காக அயராது உழைத்த ராமச்சந்திரனின் அர்ப்பணிப்பு உணர்வை உதயநிதி ஸ்டாலின் தனது சமூக வலைதளப் பதிவில் நினைவு கூர்ந்துள்ளார். தனது வாழ்நாள் முழுவதும் “ஒரே கொடி, ஒரே இயக்கம், ஒரே கொள்கை” என்ற ஒற்றை இலட்சியத்தோடு வாழ்ந்து மறைந்த ராமச்சந்திரனின் வாழ்க்கை முறை, இன்றைய இளைய தலைமுறை திமுக தொண்டர்களுக்கு ஒரு மிகச்சிறந்த பாடம் என்றும் அவர் தனது புகழஞ்சலியில் குறிப்பிட்டுள்ளார்.
