தவெக MLA வி.எஸ். பாபுவின் தற்போதைய நிலை என்ன..?” வதந்திகளுக்கு முற்றுப்புள்ளி வைத்த சுகாதாரத்துறை.. அமைச்சர் அருண்ராஜ் கொடுத்த முக்கிய விளக்கம்..!!

சென்னை கொளத்தூர் தொகுதி சட்டமன்ற உறுப்பினரும், தமிழக வெற்றிக் கழகத்தைச் சேர்ந்தவருமான வி.எஸ். பாபுவின் உடல்நிலை குறித்து தமிழக அரசு வெளிப்படையான தகவல்களை வெளியிட மறுப்பதாக எதிர்க்கட்சிகள் கடுமையான குற்றச்சாட்டுகளை முன்வைத்துள்ளன. கடந்த செப்டம்பர் 9-ஆம் தேதி மூச்சுத்திணறல் காரணமாக அவர் தனியார் மருத்துவமனையில் அனுமதிக்கப்பட்டார். ஆரம்பத்தில் ஓரிரு நாட்களில் வீடு திரும்புவார் எனத் தெரிவிக்கப்பட்ட நிலையில், நீண்ட நாட்களாக அவர் தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகிறார். அவரது தற்போதைய நிலை குறித்த அதிகாரப்பூர்வ விவரங்களை அரசு மற்றும் தொகுதி மக்களுக்குத் தெரிவிக்க வேண்டும் என அதிமுக முன்னாள் அமைச்சர் இன்பதுரை உள்ளிட்ட எதிர்க்கட்சியினர் வலியுறுத்தியுள்ளனர்.

எதிர்க்கட்சிகளின் இந்தக் குற்றச்சாட்டுகளுக்குப் பதிலளித்துள்ள தமிழக சுகாதாரத்துறை அமைச்சர் அருண்ராஜ், வி.எஸ். பாபுவின் உடல்நிலையில் நல்ல முன்னேற்றம் ஏற்பட்டு வருவதாகத் தெரிவித்து வதந்திகளுக்கு முற்றுப்புள்ளி வைத்துள்ளார். செய்தியாளர்களிடம் பேசிய அவர், மருத்துவமனையில் தொடர்ந்து தீவிரக் கண்காணிப்பில் அவருக்குச் சிகிச்சை அளிக்கப்பட்டு வருவதாகவும், அவரது உடல்நிலை தற்போது நன்றாக உள்ளதாகவும் குறிப்பிட்டுள்ளார். இருப்பினும், நீண்ட நாட்களாக மருத்துவமனை நிர்வாகம் தரப்பிலிருந்து முறையான மருத்துவ அறிக்கைகள் ஏதும் தற்போதைக்கு வெளியாகாதது நெட்டிசன்கள் மற்றும் பொதுமக்கள் மத்தியில் பல்வேறு சந்தேகங்களையும், விவாதங்களையும் சமூக ஊடகங்களில் தொடர்ந்து எழுப்பி வருகிறது.