கமல்-ஸ்ரீவித்யா காதலுக்கு NO சொன்னதே அதுக்கு தான்.. உண்மையை போட்டுடைத்த நடிகையின் அண்ணி…!!

உலக நாயகன் கமல்ஹாசன் திறமையான நடிகை ஸ்ரீவித்யா இடையேயான காதல் குறித்த செய்திகள் தற்போது சமூக வலைதளத்தில் வேகமாக பரவி வருகிறது. ஒரு பழைய பேட்டியில் கமல்ஹாசன் தனது காதல் பற்றி கூறியுள்ளார்.

அதாவது 19 வயது இருக்கும்போது கமல்ஹாசன் அபூர்வராகங்கள் படத்தில் நடித்துள்ளார். அந்த படத்தில் நான் திறமையான நடிகன் என்பதை எனக்கு உணர்த்தியது ஸ்ரீவித்யா தான். அவர் எனக்கு தோழி மட்டுமல்ல. காதலியும் தான். அந்த படம் மூலம் எங்களுக்குள் ஏற்பட்ட காதல் கடைசி வரைக்கும் இருந்தது. அந்த காதல் கல்யாணத்தில் தான் முடிய வேண்டும் என்ற அவசியம் இல்லை என கூறியிருந்தார்.

இதே போல இறப்பதற்கு முன்பாக ஸ்ரீவித்யா மலையாள செய்தி நிறுவனத்திற்கு அளித்த பேட்டியில், அவரும் கமலும் காதலித்ததை உறுதிப்படுத்தியுள்ளார். இருவரது எதிர்காலத்தை கருத்தில் கொண்டு ஸ்ரீவித்யாவின் அம்மா காதலுக்கு எதிர்ப்பு தெரிவித்ததால் இருவரும் பிரிந்து விட்டனர். கமல் ஸ்ரீவித்யா காதலுக்கு ஸ்ரீவித்யாவின் அம்மா சம்மதம் தெரிவிக்கவில்லையாம்.

இது குறித்து ஸ்ரீவித்யாவின் அண்ணி அளித்த பேட்டியில் கூறியதாவது, ஸ்ரீவித்யா காதல் குறித்து அவரது அம்மாவிடம் பேசினேன். அப்போது ஸ்ரீவித்யாவுக்கு 21 வயது. கமல்ஹாசனுக்கு 20 வயது தான் ஆகிறது. இருவரும் இப்போது தான் சினிமாவில் தங்களது பயணத்தை தொடங்கி உள்ளனர். இந்த நேரத்தில் திருமணம் செய்தால் சரியாக இருக்காது என ஸ்ரீவித்யாவின் அம்மா திருமணத்திற்கு மறுப்பு தெரிவித்ததாக அவரது அண்ணி கூறியுள்ளார்.