“தீபாவளிப் பரிசுன்னு நினைச்சாரு… ஆனா வந்ததோ..” கதறியபடி வீட்டை விட்டு ஓடிய மதுரை இன்ஃப்ளூயன்சர்.. ஆன்லைனில் குறும்பு செய்த மர்ம நபர்கள்.. திடுக்கிடும் பின்னணி..!!

மதுரையைச் சேர்ந்த பிரபல சமூக ஊடக இன்ஃப்ளூயன்சர் வீரமணி என்பவரின் பெயரில், மர்ம நபர்கள் சிலர் தீபாவளிப் பண்டிகையை முன்னிட்டு லட்சக்கணக்கில் போலி கேஷ் ஆன் டெலிவரி ஆர்டர்களைச் செய்ததால், அவர் வீட்டை விட்டு வெளியேறியுள்ள விடிந்துகட்டும் விசித்திரச் சம்பவம் சமூக வலைத்தளங்களில் பெரும் வைரலாகி வருகிறது. தீபாவளிப் பண்டிகையை முன்னிட்டுத் தனது பின்தொடர்பவர்களிடம் இருந்து இனிப்புப் பெட்டிகளைப் பரிசாகப் பெறுவதற்காக வீரமணி தனது வீட்டு முகவரியை இணையத்தில் பகிர்ந்துள்ளார். ஆனால், அதைப் பயன்படுத்திய சில குறும்புக்காரர்கள், அவர் ஆர்டர் செய்யாத தொலைக்காட்சிப் பெட்டிகள், குளிர்சாதனப் பெட்டிகள், சலவை இயந்திரங்கள் மற்றும் விலையுயர்ந்த ஸ்மார்ட்போன்களை அவரது முகவரிக்கு சிஓடி முறையில் அனுப்பி வைத்துள்ளனர். இதில் ஒரு குறிப்பிட்ட டிவியின் டெலிவரி மதிப்பு மட்டும் ரூ.1.69 லட்சம் என்று கூறப்படுகிறது.

இதனால் அதிர்ச்சியடைந்த வீரமணி, இந்தத் தொடர் போலி ஆர்டர்களால் தனக்கு மட்டுமன்றி, பொருட்களைக் கொண்டு வரும் டெலிவரி ஊழியர்களுக்கும் பெரும் அலைச்சலும் பாதிப்பும் ஏற்படுகிறது என்று கண்ணீருடன் வீடியோ வெளியிட்டு, தயவுசெய்து இந்த வேலையை நிறுத்துங்கள் என்று வேண்டுகோள் விடுத்துள்ளார். இதற்கிடையில், ராணுவ டாங்க் போன்ற விசித்திரமான மற்றும் சாத்தியமில்லாத பொருட்களை அவரது பெயரில் ஆர்டர் செய்ய முயன்ற விசித்திரமான ஸ்கிரீன்ஷாட்களும் இணையத்தில் வெளியாகிப் பரபரப்பை ஏற்படுத்தியுள்ளன. இந்தத் தொல்லை தாங்க முடியாமல் அவர் தற்கொழுது வீட்டை விட்டு வெளியேறியுள்ள நிலையில், சைபர் கிரைம் போலீசாரின் உதவியுடன் இந்த போலி ஆர்டர்களைச் செய்த மர்ம நபர்களைக் கண்டறியும் நடவடிக்கைகள் எடுக்கப்பட்டு வருகின்றன.