கஷ்டப்பட்டு காசு கொடுத்து… ஒழுங்காகத் தேங்காய் வாங்கியிருந்தால்… பைக் சேதமடைந்திருக்காது… நடுரோட்டில் மானமும் போயிருக்காது…!நெட்டிசன்களை சிரிக்க வைத்த வைரல் வீடியோ..!!!

ச..மூக வலைதளங்களில் தினமும் பல சுவாரசியமான மற்றும் வேடிக்கையான வீடியோக்கள் வைரலாவது வழக்கம். அந்த வகையில், தற்போது எக்ஸ் தளத்தில் வைரலாகி வரும் ஒரு புதிய வீடியோ நெட்டிசன்களைப் பெருமளவில் சிரிக்க வைத்துள்ளது. அந்த வீடியோவில், தேங்காய்கள் ஏற்றிக்கொண்டு சாலையில் மெதுவாகச் சென்று கொண்டிருக்கும் ஒரு வேனின் பின்னால் பைக்கில் வந்த நபர் ஒருவர், அதிலிருந்து தேங்காய்களைத் திருட முயன்று படுதோல்வி அடைந்த காட்சி பதிவாகியுள்ளது.

வேனில் தேங்காய்கள் அனைத்தும் திறந்தவெளியில் அடுக்கப்பட்டிருப்பதை கவனித்த அந்த பைக் ஓட்டி, வண்டியை ஓட்டிக்கொண்டே ஒரு கையால் தேங்காயை உருவ முயன்றார். ஒரு தேங்காய் கையில் கிடைப்பது போல தெரிந்தாலும், அவை அனைத்தும் ஒன்றாகக் கட்டப்பட்டிருந்ததால் அவரால் எளிதாக எடுக்க முடியவில்லை. இதனால் பேராசையோடு பலமுறை பலமாக இழுத்தபோது, அவரது கவனம் சாலையில் இருந்து சிதறி பைக் கட்டுப்பாட்டை இழந்து நடுச்சாலையிலேயே கீழே விழுந்தது. விழுந்த பிறகும் விடாமல் அந்த நபர் வேனின் பின்னால் ஓடிப் பார்த்தார், ஆனால் வேன் அதற்குள் முன்னேறிச் சென்றதால் தேங்காயும் கிடைக்காமல், பைக்கும் கீழே விழுந்து பெரும் ஏமாற்றத்தைச் சந்தித்தார்.

இணையத்தில் வேகமாகப் பரவி வரும் இந்த வேடிக்கையான சம்பவத்தை அந்தச் சாலையில் வந்த யாரோ ஒருவர் மொபைல் கேமராவில் துல்லியமாகப் பதிவு செய்துள்ளனர். இந்த வீடியோவைப் பார்த்த நெட்டிசன்கள், அந்த நபரின் பேராசையையும் அவசரத்தையும் பார்த்துப் பாராட்டிப் தள்ளுவதற்குப் பதிலாகக் கடுமையாகக் கிண்டல் செய்து வருகின்றனர். “கஷ்டப்பட்டு காசு கொடுத்து ஒழுங்காகத் தேங்காய் வாங்கியிருந்தால் பைக் சேதமடைந்திருக்காது, நடுரோட்டில் மானமும் போயிருக்காது” எனப் பலரும் கமெண்ட் செய்து இந்தத் தோல்வியைக் கொண்டாடி வருகின்றனர்.