அடக்கொடுமையே.. லெக்சரர் செஞ்ச அந்த ஒரு வேலை… தற்கொலைன்னு நம்பிய போலீசுக்கு காத்திருந்த பேரதிர்ச்சி.. 20 வயது மாணவி மரணத்தில் வெளியான பகீர் உண்மை..!!

தெலங்கானா மாநிலம் பெத்தப்பள்ளி மாவட்டம் கோதாவரிகானி பகுதியில் சுரங்கப் பொறியியல் படித்து வந்த 20 வயது மாணவி தந்திரா அக்ஷிதாராணியின் மரணம், ஆரம்பத்தில் தற்கொலை என கருதப்பட்டது. ஆனால், போலீசாரின் தீவிர விசாரணையில் இது தற்கொலை அல்ல என்ற அதிர்ச்சித் தகவல் வெளியாகியுள்ளது. மாணவி முன்பு பாலிடெக்னிக் கல்லூரியில் படித்தபோது அங்கு அவுட்சோர்ஸ் லெக்சரராகப் பணியாற்றிய ஜெட்டி நவீன் குமாருடன் பழக்கம் இருந்துள்ளது. பின்னர் பொறியியல் படிப்பு மற்றும் சிங்கரேணி சுரங்கப் பயிற்சிக்காகச் சென்றபோது, அங்கு ஓவர்மேனாக பணியாற்றிய பொம்மகாந்தி ரவி குமார் என்பவருடனும் பழக்கம் ஏற்பட்டுள்ளது. ரவி குமாருடன் அக்ஷிதாராணி நெருக்கமாக இருந்ததால் ஆத்திரமடைந்த நவீன் குமார், கடந்த செப்டம்பர் 12-ம் தேதி மாணவியை தனது காரில் அழைத்துச் சென்று கட்டாயப்படுத்தி பூச்சிக்கொல்லி மருந்தைக் குடிக்க வைத்துள்ளார். மேலும், ரவி குமார் மீது பாலியல் குற்றச்சாட்டு சுமத்துவது போன்ற ஒரு கடிதத்தையும் எழுத வைத்துவிட்டு, சம்பவத்தைத் தற்கொலையாகக் காட்ட முயன்றுள்ளார்.

பூச்சிக்கொல்லி மருந்து குடிக்க வைக்கப்பட்டதால் மயக்கமடைந்த அக்ஷிதாராணியை, அவர் தற்கொலைக்கு முயன்றதாகக் கூறி நவீன் குமார் குடும்பத்தினருக்குத் தகவல் தெரிவித்துள்ளார். அதன்பின்னர், செப்டம்பர் 12-ம் தேதி கோதாவரிகானி அரசு மருத்துவமனையில் அனுமதிக்கப்பட்ட மாணவி, சிகிச்சை பலனின்றி மறுநாள் உயிரிழந்தார். முதலில் தற்கொலை வழக்காகப் பதிவு செய்யப்பட்ட போதிலும், சம்பவ இடத்தில் ஆய்வு செய்த சிசிடிவி காட்சிகள், தொலைபேசி அழைப்பு விவரங்கள் மற்றும் அழைப்புப் பதிவுகள் போன்ற தொழில்நுட்ப ஆதாரங்களை போலீசார் ஆய்வு செய்தபோது வழக்கின் போக்கு முற்றிலும் மாறியது. இந்த ஆதாரங்களின் அடிப்படையில், செப்டம்பர் 20-ம் தேதி நவீன் குமார் மற்றும் ரவி குமார் ஆகிய இருவரையும் போலீசார் கைது செய்தனர். அவர்களிடம் இருந்து கார் மற்றும் செல்போன்கள் பறிமுதல் செய்யப்பட்டன.

நவீன் குமார் மீது கொலை வழக்காக விசாரணை நடைபெற்று வரும் நிலையில், ரவி குமார் மீதும் தனியாக விசாரணை நடத்தப்பட்டு வருகிறது. உயிரிழந்த மாணவி ரவி குமார் மீது பாலியல் குற்றச்சாட்டு தெரிவித்திருந்ததாக போலீசார் கூறினாலும், ரவி குமாரின் மனைவி இக்குற்றச்சாட்டுகளை மறுத்துள்ளார். சிங்கரேணி நிறுவனத்தின் உள்நிலை விசாரணையில் தனது கணவர் மீது தவறு இல்லை என்று முடிவு செய்யப்பட்டதாகவும், அவர் தவறாக இதில் சிக்கவைக்கப்பட்டுள்ளதாகவும் அவர் தெரிவித்துள்ளார். இந்தச் சம்பவத்தைத் தொடர்ந்து மாணவியின் குடும்பத்தினரும் சமூக அமைப்புகளும் கடும் நடவடிக்கை கோரி போராட்டத்தில் ஈடுபட்டனர். நவீன் குமார் மீது சாட்டப்பட்டுள்ள குற்றச்சாட்டுகள் நீதிமன்றத்தில் நிரூபிக்கப்பட வேண்டியவை என்பதால், கடிதத்தின் பின்னணி மற்றும் தொலைபேசி தொடர்புகள் குறித்து போலீசார் தொடர்ந்து ஆய்வு நடத்தி வருகின்றனர்.