“சாப்பிடச் சென்ற இடத்தில் நேர்ந்த அதிர்ச்சி.. இசையமைப்பாளர் ஜேம்ஸ் வசந்தன் கார் மீது மர்ம நபர்கள் தாக்குதல்…!!

பிரபல இசையமைப்பாளர் ஜேம்ஸ் வசந்தன், ‘சுப்ரமணியபுரம்’ உள்ளிட்ட பல ஹிட் படங்களுக்கு இசையமைத்தவர். இவர் சமீப காலமாக சமூக வலைதளங்களில் அரசியல் கருத்துக்களைத் துணிச்சலாகப் பேசி வருகிறார். குறிப்பாக, நடிகர் விஜய்யின் அரசியல் வருகை குறித்து விமர்சன ரீதியான கருத்துக்களைத் தொடர்ந்து தெரிவித்து வருவதால், இணையதளங்களில் விவாதப் பொருளாக மாறி வருகிறார்.

இந்தச் சூழலில், ஜேம்ஸ் வசந்தன் ஒரு ஹோட்டலில் உணவு அருந்தச் சென்றிருந்த போது, அங்கு நிறுத்தப்பட்டிருந்த அவரது கார் மீது மர்ம நபர்கள் தாக்குதல் நடத்தியுள்ளனர். இந்தத் தாக்குதலில் காரின் கண்ணாடிகள் அடித்து உடைக்கப்பட்டுள்ளன. இந்தச் சம்பவம் ஜேம்ஸ் வசந்தன் மற்றும் அவரது ஆதரவாளர்களிடையே பெரும் அதிர்ச்சியை ஏற்படுத்தியுள்ளது.

தனது கார் சேதப்படுத்தப்பட்டிருப்பதை ஜேம்ஸ் வசந்தன் வீடியோவாக எடுத்து தனது சமூக வலைதளப் பக்கத்தில் பகிர்ந்துள்ளார். அந்த வீடியோ தற்போது இணையத்தில் வைரலாகி வருகிறது. அவர் சமீபத்தில் தெரிவித்த அரசியல் கருத்துக்கள் காரணமாகவே இந்தத் தாக்குதல் நடந்திருக்கலாம் எனச் சந்தேகிக்கப்படுகிறது. இது குறித்து போலீசார் விசாரணை நடத்தி வருகின்றனர்.