மர்ம மரணம்.. துண்டிக்கப்பட்ட பிறப்புறுப்பு… அறையில் சிக்கிய கிரைண்டர்..! 4-வது மாடியில் இருந்து குதித்த சீடர்… பிரேதப் பரிசோதனையில் வெளியான திடுக்கிடும் உண்மை..!!

பிருந்தாவனில் உள்ள ஸ்ரீ பிரேமானந்த் மகாராஜின் சீடரான தீபக் லோதி (என்கிற ரசிக் துலாரி சரண்), உத்தரப்பிரதேச மாநிலம் பிருந்தாவனத்தில் உள்ள ஆசிரமத்தின் நான்காவது மாடியில் இருந்து விழுந்து வெள்ளிக்கிழமை (செப்டம்பர் 25) உயிரிழந்தார். குரு கிருபா குஞ்ச் ஆசிரமத்தில் இருந்து அவர் விழுந்ததை தற்கொலை வழக்காக காவல்துறை சந்தேகிக்கிறது. லோதியின் உடற்கூறாய்வில் அவரது பிறப்புறுப்பு துண்டிக்கப்பட்டிருந்தது உட்பட பல காயங்கள் கண்டறியப்பட்டுள்ள நிலையில், சிசிடிவி காட்சிகளை ஆய்வு செய்து காவல்துறை தீவிர விசாரணை நடத்தி வருகிறது.

அன்று காலை வழக்கம்போல நாய்கள் உறங்கிக் கொண்டிருக்க, பொதுமக்கள் சாலையோர நடைபாதையில் நடந்து சென்றுகொண்டும் பணிகளுக்குச் சென்றுகொண்டும் இருந்தனர். காலை 10:35 மணியளவில், ஒருவர் திடீரென சாலையில் வந்து விழுந்ததைக் கண்டு அனைவரும் அதிர்ச்சியடைந்தனர். ஆசிரமத்திற்கு வெளியே உள்ள வீதியின் சிசிடிவி காட்சியில் லோதி கீழே விழுவது பதிவாகியுள்ளது. அந்த வீடியோவில் அவரது கழுத்தில் பச்சை நிற துண்டு ஒன்று கட்டப்பட்டிருப்பது தெளிவாகத் தெரிகிறது. படுகாயமடைந்த நிலையில் ஒருவர் மருத்துவமனையில் அனுமதிக்கப்பட்டுள்ளதாகக் கிடைத்த தகவலின் பேரில், காவல்துறையினர் உடனடி விசாரணையை மேற்கொண்டு அவர் ஜபல்பூரைச் சேர்ந்த தீபக் லோதி என்பதை உறுதிசெய்தனர்.

லோதியின் அறையில் இருந்து கிரைண்டர் ஒன்றை காவல்துறையினர் கைப்பற்றியுள்ளனர். தடயவியல் குழுவின் உதவியுடன் அதில் யாருடைய கைரேகைகள் உள்ளன என்பதை அடையாளம் காணும் முயற்சிகள் நடைபெற்று வருகின்றன. பிரேதப் பரிசோதனை அறிக்கையின்படி, லோதியின் உடலில் கால் எலும்பு முறிவு, விலா எலும்பு முறிவு மற்றும் தலையில் ஆழமான காயங்கள் உட்பட 6 இடங்களில் பலத்த காயங்கள் ஏற்பட்டுள்ளன. மேலும் அவரது பிறப்புறுப்பும் துண்டிக்கப்பட்டுள்ளது. அவரே அதை வெட்டிக் கொண்டாரா அல்லது வேறு யாரேனும் அவ்வாறு செய்தனரா என்றும், அதிக ரத்தப்போக்கு காரணமாகவே அவர் உயிரிழந்துள்ளாரா என்றும் காவல்துறையினர் ஆராய்ந்து வருகின்றனர். ஆசிரமத்தின் சிசிடிவி காட்சியில் அவர் 4-வது மாடியில் இருந்து குதிப்பது தெரிந்தாலும், அவர் இறப்பதற்கு சில நிமிடங்களுக்கு முன்பு அறையில் என்ன நடந்தது என்பது தெளிவடையவில்லை. இதனால் லோதியின் ரத்த மாதிரிகள் தடயவியல் ஆய்வுக்கு அனுப்பப்பட்டுள்ளன. இதன் மூலம் சம்பவத்தின் போது அவர் ஏதேனும் போதைப்பொருளோ அல்லது சந்தேகத்திற்கிடமான பொருட்களையோ உட்கொண்டிருந்தாரா என்பது தெரியவரும். ஆசிரமத்தின் முக்கிய நிர்வாகிகளிடம் விரைவில் விசாரணை நடத்தப்படவுள்ளது.