CRIME
14 நாட்களாகத் தேடப்பட்ட பள்ளி மாணவி சடலமாக மீட்பு.. முன்னாள் நண்பன் கைது.. பின்னணியில் உள்ள அதிர்ச்சி ட்விஸ்ட்..!!
உத்தரப் பிரதேச மாநிலம் ரேபரேலியில் கடந்த அக்டோபர் 14 முதல் காணாமல் போன ருச்சி என்ற பதின்பருவ பள்ளி மாணவி, 14 நாட்களுக்குப் பிறகு கால்வாய் கரையில் சடலமாக மீட்கப்பட்ட சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. இந்தத் கொடூரக் கொலை வழக்கு தொடர்பாக, மாணவியின் முன்னாள் நண்பரான யாதவ் என்பவரைப் போலீசார் அதிரடியாகக் கைது செய்துள்ளனர். போலீசாரின் முதற்கட்ட விசாரணையில், ரௌனக்கும் ருச்சியும் முன்பு ஒரே பள்ளியில் படித்து வந்ததும், அவர்களுக்குள் நட்பு இருந்ததும் தெரியவந்துள்ளது.
இருப்பினும், சமீபத்தில் அவர்களுக்குள் ஏற்பட்ட ஏதோ ஒரு கருத்து வேறுபாடு காரணமாக இருவருக்கும் இடையே கடுமையான தகராறு ஏற்பட்டுள்ளது. இதனால் ஆத்திரமடைந்த ரௌனக், ருச்சியைத் தனியாக ஒரு இடத்திற்கு அழைத்துச் சென்று, மீண்டும் ஏற்பட்ட வாக்குவாதத்தின் உச்சக்கட்டமாக அவரைக் கொடூரமான முறையில் கொலை செய்ததாகக் குற்றம் சாட்டப்பட்டுள்ளது. கொலைக்குப் பின்னர் மாணவியின் உடலைக் கால்வாய் கரையில் வீசிவிட்டு அவர் தப்பியோடியுள்ளார். கடந்த இரண்டு வாரங்களாகத் தங்கள் மகளைத் தேடி அலைந்த பெற்றோருக்கு, அவர் சடலமாக மீட்கப்பட்ட செய்தி ஒட்டுமொத்த குடும்பத்தையும் நிலைகுலையச் செய்துள்ளது.
