அவங்க ஏன் கார் வேணாம்னு சொல்றாங்க தெரியுமா.? இதுதான் அதுக்கு காரணம்.. எதிர்க்கட்சியின் வயிற்றெரிச்சலை மீடியா முன் போட்டு உடைத்த அமைச்சர் செங்கோட்டையன்…!!

தமிழகத்தில் சட்டமன்ற உறுப்பினர்களுக்கு அரசு சார்பில் கார் வழங்கும் திட்டத்திற்கு திமுக எதிர்ப்பு தெரிவிப்பதற்கு, தங்களால் செய்ய முடியாததை இந்த அரசு செய்துவிட்டதே என்ற வேதனைதான் காரணம் என்று அமைச்சர் செங்கோட்டையன் கடுமையாக விமர்சித்துள்ளார். மாநிலத்தில் பல்வேறு நிதிச் சுமைகள் இருந்தாலும், மக்களுக்குச் சேவை செய்யும் மக்கள் பிரதிநிதிகளுக்கு எது தேவையோ அதைச் செய்யவே இந்த அரசு முடிவெடுத்துள்ளதாக அவர் விளக்கம் அளித்துள்ளார்.

உள்ளாட்சி அமைப்புகளின் பிரதிநிதிகளுக்கே கார்கள் வழங்கப்பட்டுள்ள நிலையில், ஒட்டுமொத்த தொகுதி மக்களின் குறைகளைக் கேட்க வேண்டிய எம்.எல்.ஏ-க்களுக்கு கார் வழங்குவதில் எந்தத் தவறும் இல்லை என்றும் அவர் கூறியுள்ளார். முந்தைய ஆட்சிக் காலத்தில் அவர்களால் நிறைவேற்ற முடியாத ஒரு நல்ல திட்டத்தை, தற்போதைய அரசு முன்னெடுத்துச் சாதித்துக் காட்டியுள்ளதால் ஏற்பட்ட அரசியல் அதிருப்தியிலேயே திமுகவினர் நிதி நெருக்கடியைக் காரணம் காட்டி இதனை எதிர்க்கிறார்கள் என்று அமைச்சர் செங்கோட்டையன் சுட்டிக்காட்டியுள்ளார்.