ச்சே.. கிழிந்த ஷூவுடன் வந்த டெலிவரி பாய்… கதவைத் திறந்ததும் வாடிக்கையாளர் செய்த அந்த ஒரு காரியம்… CCTV-யில் சிக்கிய நெகிழ்ச்சியான காட்சி..!!

சமீபத்தில் சமூக ஊடகங்களில் வைரலாகி வரும் ஒரு சிசிடிவி வீடியோ, மக்களின் மனதை நெகிழ வைத்து முகத்தில் புன்னகையை வரவழைத்துள்ளது. அந்த வீடியோவில், ஒரு வாடிக்கையாளருக்கும் டெலிவரி பாய்க்கும் இடையே நடந்த ஒரு சிறிய நெகிழ்ச்சியான தருணம் பதிவாகியுள்ளது. தனது வீட்டின் கதவைத் தட்டிய டெலிவரி நபரின் சிரமத்தைக் கண்டு உணர்ந்த வாடிக்கையாளர் ஒருவர், உடனடியாக அவருக்கு ஒரு புதிய பரிசை வழங்கி மனிதநேயத்திற்கு மிகச்சிறந்த சான்றாக திகழ்ந்துள்ளார்.

வீடியோவில், டெலிவரி பாய் தனது சைக்கிளில் பொருட்கள் அடங்கிய பையுடன் வழக்கம் போல ஒரு வாடிக்கையாளரின் வீட்டிற்கு வந்து கதவைத் தட்டுகிறார். எல்லாம் இயல்பாக நடந்து கொண்டிருக்கும் போது, வாடிக்கையாளரின் பார்வை தற்செயலாக டெலிவரி நபரின் கால்களின் மீது விழுகிறது. நாள் முழுவதும் சைக்கிள் மிதித்து வீட்டிற்கு வீடு சென்று பொருள்களை விநியோகிக்கும் அந்த இளைஞர், மிகவும் பழைய மற்றும் கிழிந்த காலணிகளை அணிந்திருப்பதை வாடிக்கையாளர் கவனிக்கிறார். அந்த நபரின் கஷ்டத்தையும், அவருக்கு நல்ல காலணிகள் எவ்வளவு அவசியம் என்பதையும் அந்த வாடிக்கையாளர் நொடியில் புரிந்து கொள்கிறார்.

https://www.instagram.com/reel/DdOYkADg4Ml/?utm_source=ig_web_button_share_sheet

உடனடியாக வீட்டிற்குள் செல்லும் வாடிக்கையாளர், சிறிது நேரத்திலேயே கையில் ஒரு புதிய ஷூ பெட்டியுடன் திரும்பி வருகிறார். எந்தவித விளம்பரமும் ஆடம்பரமும் இன்றி, மிகவும் இயல்பாக அந்தப் புதிய காலணிகளை டெலிவரி நபருக்குப் பரிசாக அளிக்கிறார். முற்றிலும் எதிர்பாராத இந்த அன்பைக் கண்டு டெலிவரி பாயின் முகத்தில் மகிழ்ச்சி அலைமோதியது. பொருள்களை டெலிவரி செய்ய வந்த இடத்தில் தனக்கு இப்படி ஒரு தேவை நிறைவேறுமென்று அவர் எதிர்பார்க்கவே இல்லை. பின்னர் அந்த டெலிவரி பாய் புதிய காலணிகளுடன் தனது சைக்கிளை நோக்கி மகிழ்ச்சியுடன் புறப்பட்டுச் செல்கிறார். பிறருக்கு உதவ பெரிய விஷயங்கள் செய்ய வேண்டியதில்லை, சிறிய அளவிலான அன்பும் அக்கறையும் கூட ஒருவரின் வாழ்க்கையில் பெரும் மகிழ்ச்சியைத் தரும் என்பதை இந்தச் சம்பவம் உணர்த்துகிறது.