“திக் திக் திக்.. அசுர வேகத்தில் வந்த ரயில்..” அலறியடித்து ஒடிய பெண்கள்.. தண்டவாளத்தில் 20 ஆடுகளுக்கு விபரீதம்.. பதறவைக்கும் வீடியோ..!!

உத்தரப் பிரதேச மாநிலம் பிரதாப்கர் பகுதியில், தண்டவாளத்தைக் கடக்க முயன்ற ஆடுகள் மீது இரயில் மோதியதில் சுமார் 20 ஆடுகள் பரிதாபமாக உயிரிழந்த நெஞ்சை பதறவைக்கும் சோகச் சம்பவம் நடந்துள்ளது. இந்த பயங்கர விபத்தின் போது ஆடுகளை ஓட்டி வந்த மூன்று பெண்கள் நூலிழப்பில் உயிர் தப்பியுள்ளனர். கிராமப்புறங்களில் வசிக்கும் மக்கள் போதிய விழிப்புணர்வு இல்லாமல், தண்டவாளப் பகுதிகளைத் தங்களது அன்றாடப் பயன்பாட்டிற்கான பாதையாகவும், ஆடு மாடுகளை மேய்க்கும் இடமாகவும் பயன்படுத்துவது தொடர்கதையாகி வருகிறது. இந்த அலட்சியப் போக்குதான் இதுபோன்ற பெரிய அளவிலான விபத்துகளுக்கு முதன்மைக் காரணமாக அமைகிறது.

இந்தக் கொடூர விபத்து நடந்த தண்டவாளப் பகுதியில் மக்கள் நடமாடுவதைத் தடுக்கவும், இதுபோன்ற சோகங்கள் மீண்டும் நிகழாமல் இருக்கவும் இரயில்வே நிர்வாகமும் உள்ளூர் அதிகாரிகளும் தீவிர விழிப்புணர்வு நடவடிக்கைகளை மேற்கொள்ள வேண்டும் எனச் சமூக ஆர்வலர்கள் வலியுறுத்துகின்றனர். கிராம மக்கள் தண்டவாளங்களில் நடப்பதன் ஆபத்துகளை உணர்ந்து செயல்பட வேண்டியது அவசியமாகும். இந்த விபத்து தொடர்பான புகைப்படங்களும் தகவல்களும் தற்போது சமூக வலைத்தளங்களில் வெளியாகிப் பெரும் சோகத்தையும் விவாதத்தையும் ஏற்படுத்தியுள்ளன.