“விறகு அடுப்பு டூ BMW கார் வரை” மிடில் கிளாஸ் டேக்-ஐ மாற்றி காட்டிய இந்திய இளைஞர்.. கடன் வாங்கி படிக்க வைத்த பெற்றோரை உயர்த்திய மகன்.. இணையத்தை நெகிழ வைத்த வைரல் வீடியோ..!!

உத்தரப் பிரதேச மாநிலம் மதுராவைச் சேர்ந்த அமித் காஷ்யப் என்ற இளைஞர், இந்தியாவில் வெறும் ஒரு பைக் மட்டுமே இருந்த நடுத்தரக் குடும்பப் பின்னணியில் இருந்து, இன்று அமெரிக்காவின் டல்லாஸ் நகரில் சொந்த வீடு மற்றும் பிஎம்டபிள்யூ சொகுசு கார் வாங்கும் அளவிற்கு உயர்ந்த தனது உத்வேகமான வெற்றிப் பயணத்தை இன்ஸ்டாகிராமில் பகிர்ந்துள்ளார். தனது பெற்றோரின் தியாகங்களை மதித்து அவர் வெளியிட்டுள்ள இந்த நெகிழ்ச்சியான வீடியோ பதிவு தற்பொழுது இணையவாசிகள் பலரின் இதயங்களை வென்று வைரலாகி வருகிறது.

அமித்தின் கல்விக்காக அவரது பெற்றோர் தங்களது தேவைகளைச் சுருக்கிக் கொண்டு பல தியாகங்களைச் செய்துள்ளனர். மதுராவின் சிறந்த பள்ளியில் படிக்க வைப்பதில் இருந்து, பொறியியல் படிப்பிற்காகக் கடன் வாங்கியது வரை அவர்கள் பட்ட கஷ்டங்களை நேரில் பார்த்த அமித், தனது குடும்பத்தின் மீதான ‘நடுத்தரக் வர்க்கம்’ என்ற அடையாளத்தை எப்படியாவது மாற்ற வேண்டும் என்று அன்றே சபதம் எடுத்துள்ளார். பணத்தைச் சேமிப்பதற்காகத் தனது தாய் விறகு அடுப்பில் சமைத்த நாட்களை அவர் நன்றியுடன் நினைவு கூர்ந்துள்ளார்.

இன்று தனது உழைப்பால் உயர்ந்த அமித், தனது தாய்க்கு ஒரு பெரிய புதிய வீட்டைப் பரிசாக வழங்கியுள்ளார். தனது அமெரிக்க வீட்டின் கேரேஜில் சொகுசு காரை நிறுத்தும் போது, கடந்த கால வறுமையை நினைத்துத் தான் இன்னும் எளிமையாக உணர்வதாக அவர் நெகிழ்ந்துள்ளார். “உனக்கான ஒரு வெற்றி வரும்போது, உனது அத்தனை தோல்விக் கதைகளையும் நீ மறந்து போவாய்” என்று அவர் பகிர்ந்துள்ள வரிகள் பல இளைஞர்களுக்கு ஒரு சிறந்த வழிகாட்டியாக அமைந்துள்ளது.