“உங்க பையன கடத்திட்டோம்… தந்தையிடம் ரூ.90 லட்சம் பணம் பறிக்க மகன் போட்ட மாஸ் பிளான்… கடைசியில காட்டியே கொடுத்த அந்த ஒரு போன் கால்.. ஹோட்டல் ரூமை திறந்து பார்த்த போலீசுக்கு காத்திருந்த மெகா ட்விஸ்ட்..!!”

கர்நாடகாவில் 40 வயதுடைய நபர் ஒருவர், தனது 62 வயது தந்தையிடம் இருந்து ரூ.90 லட்சம் பணத்தை பறிப்பதற்காக, தன்னைத்தானே கடத்திக் கொண்டதாக நாடகமாடிய சம்பவம் வெளிச்சத்திற்கு வந்துள்ளது. கர்நாடக மாநிலம் ஹாசன் மாவட்டத்தில் உள்ள ஒரு அறையில், தனது இரு கூட்டாளிகளுடன் அந்த நபர் நிம்மதியாக தூங்கிக் கொண்டிருந்தபோது காவல்துறையினரால் கையும் களவுமாகப் பிடிக்கப்பட்டார். இச்சம்பவத்தில் முக்கிய குற்றவாளியாக மணீஷ் என்பவரும், அவரால் குறிவைக்கப்பட்ட தந்தையாக மனோகர் பட்டேல் என்பவரும் அடையாளம் காணப்பட்டுள்ளனர்.

காவல்துறையினரின் கூற்றுப்படி, பணப் பரிவர்த்தனை தொடர்பான வேலைக்காக தான் ரயிலில் கதக் மாவட்டத்திற்குச் செல்வதாகவும், மறுநாள் காலையில் அழைப்பதாகவும் மணீஷ் தனது தந்தையிடம் கூறியுள்ளார். ஆனால், மறுநாள் காலையில் மனோகர் பட்டேலுக்கு அவரது மகனின் வாட்ஸ்அப் எண்களிலிருந்து ஒரு அழைப்பு வந்தது. அதில் பேசிய மணீஷின் கூட்டாளிகள் இருவர், மணீஷ் கடத்தப்பட்டுள்ளதாகக் கூறி, அவரை விடுவிக்க ரூ.90 லட்சம் வழங்க வேண்டும் என மிரட்டியுள்ளனர். இதனால் அதிர்ச்சியடைந்த மனோகர் பட்டேல் உடனடியாக காவல்துறையை அணுகியதை அடுத்து, காவல்துறையினர் மணீஷின் செல்போன் இருப்பிடத்தைக் கண்காணிக்கத் தொடங்கினர்.

ஆரம்பத்தில் மணீஷின் போன் சுவிட்ச் ஆஃப் செய்யப்பட்டு இருந்த நிலையில், பின்னர் வேறு ஒரு எண்ணில் இருந்து மனோகருக்கு மீண்டும் அழைப்பு வந்துள்ளது. அந்த இரண்டாவது எண்ணின் இருப்பிடத்தைக் காவல்துறையினர் ஹாசன் பகுதியில் கண்டறிந்து, அங்குள்ள ஒரு அறைக்குச் சென்று பார்த்தபோது, மணீஷ் தனது இரு கூட்டாளிகளுடன் அமைதியாகத் தூங்கிக் கொண்டிருப்பதைச் சுற்றி வளைத்தனர். விசாரணையில், வியாபாரத்தில் ஏற்பட்ட நஷ்டத்தைக் கடனாக அடைக்கத் தந்தை பணம் தராததால், கூட்டாளிகளுடன் சேர்ந்து இக்கடத்தல் நாடகத்தை அவர் அரங்கேற்றியது தெரியவந்தது. தற்போது மூன்று பேரும் கைது செய்யப்பட்டு, பரப்பன அக்ரஹாரா மத்திய சிறையில் அடைக்கப்பட்டுள்ளனர்.