“விஜய்யின் பின்னால் இருக்கும் அந்த ஒரு நபர்..! “சட்டமன்றத்தில் தவெக கொடுத்த மெகா மகுடம்… யார் இந்த ஜான் ஆரோக்கியசாமி..? தமிழக அரசியலில் பரபரப்பு..!1

தமிழக அரசியலில் மிகக் குறுகிய காலத்திற்குள் தமிழக வெற்றிக் கழகத்தை ஒரு தவிர்க்க முடியாத சக்தியாக மாற்றி, அதன் மையப் புள்ளிக்கு எடுத்துச் சென்ற பெருமை கட்சியின் தலைமை வியூக வகுப்பாளரான ஜான் ஆரோக்கியசாமியையே சாரும். பொதுவாக தேர்தல் வியூக வகுப்பாளர்கள் எப்போதுமே வெளிச்சத்தைத் தேடாமல் திரைக்குப் பின்னாலேயே பணியாற்றுவது வழக்கம் என்றாலும், அண்மையில் நடைபெற்ற சட்டமன்ற அமர்வில் தவெக பொதுச்செயலாளர் இவருக்கு பகிரங்கமாக நன்றி தெரிவித்தது தமிழக அரசியல் வரலாற்றில் ஒரு அரிதான மற்றும் வலிமையான தருணமாகப் பார்க்கப்படுகிறது. பல ஆண்டுகளாக ஆட்சியில் இருக்கும் பாரம்பரியக் கட்சிகள் உருவாக்கிய வலிமையான அரசியல் பிம்பங்களை உடைத்து, ஒரு புதிய அரசியல் பாதையை உருவாக்குவதிலும், குறிப்பாக கட்சி ஒரு கடினமான அரசியல் கட்டத்தை எதிர்நோக்கிய காலகட்டத்தில் மக்களின் நம்பிக்கையை மீட்டெடுத்து புதிய அரசியல் களத்தை வடிவமைப்பதிலும் ஜானின் பங்கு மகத்தானது.

ஒரு தலைவரை முன்னிறுத்துவது மட்டுமே வியூகம் அல்ல. மாறாக அந்தத் தலைவரைச் சுற்றியுள்ள அரசியல் சூழலை பலப்படுத்தி, அதனை வெற்றிக்கான சக்தியாக மாற்றுவதே உண்மையான வியூகமாகும் என்பதை ஜான் ஆரோக்கியசாமி தனது அரசியல் நகர்வுகள் மற்றும் பிரச்சார வடிவமைப்புகள் மூலம் வெற்றிகரமாக நிரூபித்துள்ளார். தலைவர் விஜய்யின் முழுமையான நம்பிக்கையும், ஜான் ஆரோக்கியசாமியின் துல்லியமான வியூகமும் இணைந்து வழங்கிய பங்களிப்புதான் தவெக-வை இன்று சட்டமன்றம் வரை ஒலிக்கச் செய்துள்ளது. திரைக்குப் பின்னால் அயராது உழைத்த ஒரு மாஸ்டர் மைண்டுக்கு, மாண்புமிகு சட்டமன்றத்தில் இப்படிப்பட்டதொரு பொதுவான அங்கீகாரம் கிடைத்திருப்பது வெறும் சாதாரண நன்றியுரை அல்ல; அது தமிழக அரசியல் வரலாற்றில் திரைக்குப் பின்னால் உழைத்த ஒரு சாதனையாளருக்குக் கிடைத்த மிகச் சிறந்த மகுடமாகும்.