“பெண் பிள்ளைகளால் முடியாது..!” பெற்ற தாயே காட்டிய பாகுபாடு.. இணையத்தை அழ வைத்த சிறுமியின் கண்ணீர் வீடியோ..!!

“ஆண் பிள்ளைகள் மட்டுமே படிப்பார்கள், அவர்கள்தான் குடும்பத்தைக் காப்பாற்றுவார்கள்; பெண் பிள்ளைகளால் அது முடியாது” என்று சொந்தத் தாயே காட்டும் பாலினப் பாகுபாட்டால் மனமுடைந்த சிறுமி ஒருவரின் நிலை குறித்த உணர்ச்சிப்பூர்வமான பதிவு ஒன்று எக்ஸ் தளத்தில் வெளியாகி இணையத்தில் மிக வேகமாக வைரலாகி வருகிறது. ஒரு தாயே தனது சொந்தப் பெண் குழந்தை மீது இத்தகைய பிற்போக்குத்தனமான சிந்தனையைக் கொண்டிருப்பது சமூகத்தில் இன்னும் பாலின சமத்துவம் எட்டப்படவில்லை என்பதை வெளிச்சம் போட்டுக் காட்டுவதாக நெட்டிசன்கள் பலரும் தங்களது ஆதங்கத்தைப் பதிவு செய்து வருகின்றனர்.

இந்த உருக்கமான பதிவில், பெண் குழந்தைகள் தங்களது கனவுகளை அடைவதற்கு முதலில் தங்களுடனும், பின்னர் குடும்பம், உறவினர்கள் மற்றும் ஒட்டுமொத்த சமூகத்துடனும் தொடர்ச்சியாகப் போராட வேண்டியுள்ளது என்று குறிப்பிடப்பட்டுள்ளது. “சுற்றியுள்ள மனிதர்கள் உங்களைப் பயமுறுத்தலாம், உங்களுக்கான எல்லைகளைச் சுருக்கலாம்; ஆனால், எதற்கும் முடங்கிவிடாமல் தொடர்ந்து உழையுங்கள். உங்கள் போராட்டத்தை நீங்களே போராடி வென்றீர்கள் என்று உங்களுக்குள் பெருமைப்படும் ஒரு நாள் நிச்சயம் வரும்” எனப் பெண்களுக்கு நம்பிக்கையளிக்கும் வகையில் அமைந்துள்ள இப்பதிவு, தற்போதைய டிஜிட்டல் தளங்களில் பெரும் ஆதரவைப் பெற்று விவாதப் பொருளாக மாறியுள்ளது.