அஜித்தின் “குட் பேட் அட்லியில்” மிரட்டலான இரண்டு நடிகர்கள்…. யாரெல்லாம் தெரியுமா…? லீக்கான நியூஸ்…!!

குட் பேட் அட்லி திரைப்படத்தில் இரண்டு மிரட்டல் நடிகர்கள் இணைந்துள்ளதாக தகவல் வெளியாகியுள்ளது. ஆதிக் ரவிச்சந்திரன் தமிழ் சினிமாவில் முக்கிய இயக்குனர்களுள் ஒருவராக மாறியிருக்கிறார். மார்க் ஆண்டனி படத்தின் வெற்றிக்கு அடுத்து தற்போது அஜித்தோடு கைகோர்த்துள்ளார். லோகேஷ் கனகராஜ் கமலை வைத்து விக்ரம் படத்தை இயக்கியது போல தற்போது ஆதிக் ரவிச்சந்திரன் அஜித்தை வைத்து குட் பேட் அட்லி படத்தை இயக்கி வருகிறார். இந்த படத்தின் இரண்டாம் கட்ட படப்பிடிப்பானது தற்போது ஹைதராபாத்தில் நடைபெற்று வரும் நிலையில் அஜித் கலந்து கொள்ளவில்லை.

அதாவது அவர் விடாமுயற்சி படப்பிடிப்பில் இருக்கும் காரணத்தால் அதை முடித்துவிட்டு தான் இந்த படத்தின் படப்பிடிப்பில் கலந்து கொள்ளுவார் .அஜித் இல்லாத மற்ற நடிகர்களின் காட்சிகள் தான் தற்போது படமாக்கப்பட்டு வருகிறது. இந்த நிலையில் இந்த படத்தில் நடிகரும், ஒளிப்பதிவாளருமான  நட்டி நட்ராஜ் முக்கிய கதாபாத்திரத்தில் நடிப்பதாக தகவல் வெளியாகியுள்ளது. மேலும் ஆதிக் ரவிச்சந்திரன் மார்க் ஆண்டனி படத்தில் முக்கிய ரோலில் நடித்த தெலுங்கு நடிகர் சுனில் இந்த படத்தில் நடித்து வருவதாகவும் தகவல் கூறப்படுகிறது.