“உங்கள தூக்குறேன் இருங்க” வேலுமணி, சி.வி.சண்முகத்தை கட்டம்கட்ட இபிஎஸ் தீவிர ஆலோசனை… அதிமுகவில் அடுத்த ஷாக்..! – cinefeeds
Connect with us

LATEST NEWS

“உங்கள தூக்குறேன் இருங்க” வேலுமணி, சி.வி.சண்முகத்தை கட்டம்கட்ட இபிஎஸ் தீவிர ஆலோசனை… அதிமுகவில் அடுத்த ஷாக்..!

Published

on

அதிமுக பொதுச்செயலாளர் எடப்பாடி பழனிசாமிக்கும் , முன்னாள் அமைச்சர்களான எஸ்.பி. வேலுமணி மற்றும் சி.வி. சண்முகம் தரப்பினருக்கும் இடையே நிலவி வரும் உட்கட்சி மோதல் அண்மைக் காலமாகக் கடுமையான உச்சத்தை எட்டியுள்ளது. 2026 சட்டமன்றத் தேர்தல் தோல்விகள் மற்றும் அண்மையில் நடந்த இடைத்தேர்தல்களில் கட்சி 3-வது இடத்திற்குத் தள்ளப்பட்டதால் தலைமை மீது அதிருப்தி வலுத்துள்ளது. மேலும், சட்டமன்றத் தகுதி வாக்கெடுப்பில் இபிஎஸ்-ஸின் உத்தரவை மீறி அதிருப்தி எம்.எல்.ஏ-க்கள் தவெக அரசுக்கு ஆதரவளித்த விவகாரமும் இந்த விரிசலை மேலும் அதிகப்படுத்தியுள்ளது.

கட்சியில் தங்களுக்கு வழங்கப்பட்ட மாவட்டச் செயலாளர் பதவிகள் பறிக்கப்பட்டதால் வேலுமணி மற்றும் சி.வி. சண்முகம் தரப்பினர் எடப்பாடி பழனிசாமிக்கு எதிராக ரகசியமாகக் காய்களை நகர்த்தி வருவதாகக் கூறப்படுகிறது. அவர்கள் வெளியில் அமைதி காப்பது போலத் தோன்றினாலும், உள்ளுக்குள் மற்ற அதிமுக சட்டமன்ற உறுப்பினர்களுடன் (MLAs) ஆலோசனை நடத்தி தலைமைக்கு அழுத்தம் கொடுக்க முயல்வதாக உளவுத் தகவல்கள் இபிஎஸ் காதுகளுக்குச் சென்றுள்ளன. இதற்குப் பதிலடி கொடுக்கும் வகையில், ஏற்கனவே விழுப்புரம் மாவட்டத்தில் சி.வி. சண்முகத்தின் தீவிர ஆதரவாளர்கள் 100-க்கும் மேற்பட்டோரை கட்சியின் அடிப்படைப் பொறுப்புகளிலிருந்து இபிஎஸ் அதிரடியாக நீக்கியுள்ளார்.

Advertisement

தற்போது, உட்கட்சி விவகாரங்களை இப்படியே விட்டால் சூழல் இன்னும் மோசமடையும் எனக் கருதும் எடப்பாடி பழனிசாமி, அதிருப்தி குழுவின் தலைவர்களாகச் செயல்படும் எஸ்.பி. வேலுமணி மற்றும் சி.வி. சண்முகம் ஆகிய இருவரையும் கட்சியை விட்டே நிரந்தரமாக நீக்குவது குறித்து தனது ஆதரவாளர்களுடன் தீவிரமாக ஆலோசித்து வருவதாகத் தகவல்கள் வெளியாகியுள்ளன. வழக்கமாக அதிரடி முடிவுகளை வெளிப்படையாக ஆலோசிக்காத இபிஎஸ், தற்போது இது குறித்துப் பேசியிருப்பதால் விரைவில் இதற்கான அதிகாரப்பூர்வ அறிவிப்பு வெளியாகலாம் என அரசியல் வட்டாரத்தில் பரபரப்பாகப் பேசப்படுகிறது.

Advertisement
Continue Reading
Advertisement

Copyright © 2023 www.cinefeeds.in