“அப்பா இல்லை.. பாட்டியும் போயிட்டாங்க..” இறுதிச்சடங்கு செய்ய வராத ஊர் மக்கள்: 11 வயது இரட்டை சகோதரிகள் செய்த மிரளவைக்கும் காரியம்.. நெகிழ்ச்சி சம்பவம்..!!

பீகார் மாநிலம் கோபால்கஞ்ச் மாவட்டத்தில், பாரம்பரிய சமூகக் கட்டுப்பாடுகளை உடைத்தெறியும் வகையில் 11 வயதுடைய இரட்டைச் சகோதரிகள் தங்களது பாட்டியின் உடலைச் சுமந்து சென்று இறுதிச் சடங்குகளைச் செய்த நெகிழ்ச்சியான சம்பவம் நடந்துள்ளது. அந்தப் பகுதியைச் சேர்ந்த பரி ஸ்ரீவஸ்தவா மற்றும் பன்குடி ஸ்ரீவஸ்தவா ஆகிய இந்த சிறுமிகளின் தந்தை ஐந்து ஆண்டுகளுக்கு முன்பே இறந்துவிட்டார். தற்போது அவர்களின் பாட்டியும் காலமான நிலையில், குடும்பத்தில் இறுதிச் சடங்குகளைச் செய்ய ஆண்கள் யாரும் இல்லாததாலும், ஊர் மக்கள் உதவிக்கு வராததாலும், இந்த சிறுமிகள் இருவரும் பாட்டியின் பாடைக்குத் தோள் கொடுத்து மயானத்திற்குச் சுமந்து சென்றுள்ளனர்.

வழக்கமாக ஆண்கள் மட்டுமே செய்யும் இறுதிச் சடங்கு முறைகளை மாற்றி, இந்த 11 வயதுச் சிறுமிகள் மயானத்தில் தங்களது பாட்டியின் உடலுக்கு கொள்ளி வைக்கும் சடங்கு செய்து தங்களது இறுதி கடமையை நிறைவேற்றியுள்ளனர். தந்தையை இழந்த நிலையில் தங்களுக்குப் புகலிடமாக இருந்த பாட்டியைப் பிரிந்த சோகத்திலும், அச்சமின்றித் துணிச்சலோடு அவர்கள் செய்த இந்த காரியம் ஒட்டுமொத்தப் பகுதியையும் உருக வைத்துள்ளது. சமூகத்தின் கடுமையான மரபுகளை உடைத்து, பெண்கள் எதற்கும் சளைத்தவர்கள் அல்ல என்பதை நிரூபித்துள்ள இச்சிறுமிகளின் தைரியத்தை சமூக வலைத்தளங்களில் பலரும் பாராட்டி வருகின்றனர்.