அய்யய்யோ.. எதிர்பாராமல் திரும்பிய கார்.. தடுப்பைத் தாண்டி எதிர் ரோட்டில் காற்றில் தூக்கி வீசப்பட்ட வாலிபர்.. சிசிடிவியில் சிக்கிய நெஞ்சை உலுக்கும் காட்சி..!!

சத்தீஸ்கர் மாநிலம் கோர்பா நகரின் சிஎஸ்இபி காவல் நிலைய எல்லைக்குட்பட்ட டிரான்ஸ்போர்ட் நகர் பிரதான சாலையில், லேசான தூறல் மழையின் போது ஒரு அதிர்ச்சியூட்டும் சாலை விபத்து நிகழ்ந்துள்ளது. அதிவேகமாக வந்த மோட்டார் சைக்கிள் ஒன்று, எதிர்பாராதவிதமாகத் திரும்பிய கார் மீது மிக பலமாக மோதியுள்ளது. இந்தத் தாக்கத்தால் பைக் ஓட்டி வந்த வாலிபர் காற்றில் தூக்கி வீசப்பட்டு, சாலையின் நடுவே இருந்த தடுப்பைத் தாண்டி, எதிர் திசையில் இருந்த மற்றொரு பாதையில் விழுந்தார். அதே நேரத்தில் அந்தப் பாதையில் தம்பதியினர் வந்த ஸ்கூட்டர் ஒன்றும் கட்டுப்பாட்டை இழந்து அவர் மீது மோதியது.

அந்த வாலிபர் ஹெல்மெட் அணியாமல் பைக் ஓட்டி வந்ததால், தலையில் பலத்த மற்றும் கடுமையான காயங்கள் ஏற்பட்டுள்ளன. விபத்து நடந்த உடனே அங்கிருந்த உள்ளூர் மக்களின் உதவியுடன் அவர் மீட்கப்பட்டு, அருகில் உள்ள மருத்துவமனையில் அவசர சிகிச்சைப் பிரிவில் அனுமதிக்கப்பட்டார். தற்போதைய நிலவரப்படி அந்த வாலிபரின் நிலைமை மிகவும் கவலைக்கிடமாக உள்ளதாக மருத்துவமனை வட்டாரங்கள் தெரிவிக்கின்றன. விபத்துக்குள்ளான நபரின் பெயர் விபரங்கள் இன்னும் அதிகாரப்பூர்வமாக வெளியிடப்படாத நிலையில், அக்கம் பக்கத்தில் இருந்த சிசிடிவி கேமராவில் பதிவான இந்த விபத்தின் கொடூர காட்சிகள் தற்பொழுது வெளியாகிப் பார்ப்போரை அதிர்ச்சியடைய வைத்துள்ளது.