அதிர்ச்சி.. மொட்டைத் தலையுடன் அடையாளம் தெரியாமல் மாறிய ‘அமைதிப்படை’ நடிகை! நெஞ்சை உலுக்கும் புகைப்படம்…!மார்பக புற்றுநோயோடு போராடிய ‘வாசவி’…!

தமிழ் மற்றும் தெலுங்குத் திரையுலகில், குறிப்பாகச் சின்னத்திரை தொடர்கள் மூலம் பட்டிதொட்டியெங்கும் பிரபலமானவர் நடிகை ஜெயா வாகினி. 1972-ல் ஆந்திர மாநிலம் விஜயநகரத்தில் பிறந்த இவருடைய இயற்பெயர் பத்மா விஸ்வரி ஆகும். சினிமாவில் நுழைந்த பிறகு தனது பெயரை பத்மா விஸ்வரி என்றும், பின்னர் வாகினி என்றும் மாற்றிக்கொண்டார். ஆரம்பத்தில் எந்தவொரு சினிமா பின்னணியும் இல்லாமல், தனது சொந்த உழைப்பால் திரைப்பயணத்தைத் தொடங்கியவர். தெலுங்குத் தொலைக்காட்சிகளில் இவர் நடித்த ‘வாசவி’, ‘பத்மா’ போன்ற கதாபாத்திரங்கள் இன்றும் அந்த நாட்டு மக்களிடையே நீங்கா இடம் பிடித்துள்ளன.

சின்னத்திரையில் இவருக்குக் கிடைத்த மாபெரும் வரவேற்புதான், இவரைத் தமிழ் மற்றும் தெலுங்கு சினிமா உலகிற்கு அழைத்துச் சென்றது. அப்படித் தமிழில் இவருக்குக் கிடைத்த மிக முக்கியமான வாய்ப்புகளில் ஒன்றுதான், இயக்குநர் மணிவண்ணன் இயக்கத்தில் வெளியான ‘அமைதிப்படை’ திரைப்படம். இந்தத் திரைப்படத்தில் மணிவண்ணனுக்கு ஜோடியாக நடித்து தமிழ் ரசிகர்களின் கவனத்தை ஈர்த்தார். ஆனால், இந்தத் திரைப்படத்திற்குப் பிறகு எதிர்பாராத சில காரணங்களால் இவருக்குத் தமிழில் பெரிய அளவில் பட வாய்ப்புகள் கிடைக்கவில்லை. இதனால் இவர் மீண்டும் தெலுங்குப் பக்கமே கவனம் செலுத்தத் தொடங்கினார்.

சினிமாவில் பெரிய அளவில் சாதிக்க நினைத்த இவருக்கு, காலம் மார்பக புற்றுநோய் வடிவில் பெரும் சோதனையைக் கொடுத்தது. 2019-ஆம் ஆண்டு வெளியான ‘ரகுபதி வெங்கையா நாயுடு’ என்ற வாழ்க்கை வரலாற்றுப் படமே இவர் கடைசியாக நடித்த திரைப்படமாகும். அதன் பிறகு புற்றுநோயால் கடுமையாகப் பாதிக்கப்பட்ட ஜெயா வாகினி, நீண்ட காலமாக அதற்காகச் சிகிச்சை பெற்று வந்தார். ஆனால், நாளாக நாளாகச் சிகிச்சைக்குத் தேவையான வருமானம் இல்லாமலும், இறுதிப் பகுதியில் இவரைக் கவனித்துக் கொள்ள ஆட்கள் யாரும் இல்லாமலும் வறுமையிலும் தனிமையிலும் கடுமையான வேதனைகளை அனுபவித்து வந்தார்.

இறுதிக் காலத்தில் மொட்டைத் தலையுடனும், உடல் மிகவும் மெலிந்த நிலையிலும் இருந்த ஜெயா வாகினியின் தற்போதைய நிலைப் புகைப்படத்தை அவருடைய தோழி ஒருவர் சமூக வலைதளங்களில் பகிர்ந்து உதவி கோரியிருந்தார். இந்தத் துயரமான புகைப்படம் இணையத்தில் வேகமாகப் பரவி, பலரும் இவருக்கு உதவிக்கரம் நீட்ட முன்வருவதற்குள்ளாகவே, சிகிச்சை பலனின்றி பிப்ரவரி 4 (4.2.2026) அன்று அவர் உயிரிழந்தார். சினிமாவில் நம்மை மகிழ்வித்த ஒரு திறமையான நடிகை, சிகிச்சைக்குக் கூடப் பணமில்லாமல் வறுமையில் மறைந்த சம்பவம் ஒட்டுமொத்தத் திரை உலகையும், ரசிகர்களையும் பெரும் சோகத்தில் ஆழ்த்தியுள்ளது.