“வெறும் நண்பன் என்பதற்காக தூக்கி கொடுக்கற ஆள் விஜய் இல்ல” ஸ்ரீநாத்துக்கு சீட் கொடுத்தது ஏன்.? உண்மையை உடைத்த நடிகர் சஞ்சீவ்..!!

நடிகர் சஞ்சீவ் அளித்த நேர்காணல் ஒன்றில், விஜய் தன்னிடம் பழகும் நண்பர்களுக்காக மட்டும் தகுதி இல்லாமல் எதையும் தூக்கிக் கொடுத்துவிட மாட்டார் என்று தெளிவாகக் குறிப்பிட்டுள்ளார். கட்சிப் பதவிகள் மற்றும் பொறுப்புகளை வழங்குவதில் விஜய் மிகவும் கவனமாகவும், தகுதியின் அடிப்படையிலும் மட்டுமே செயல்படுகிறார் என்பதை இதன் மூலம் அவர் சுட்டிக்காட்டியுள்ளார்.

தூத்துக்குடி தொகுதி குறித்துப் பேசிய சஞ்சீவ், ஸ்ரீநாத் அந்த மண்ணின் மைந்தன் என்ற காரணத்திற்காகவே அவருக்கு மீன்வளத்துறைப் பொறுப்பை விஜய் வழங்கியுள்ளார் என்று கூறியுள்ளார். உண்மையில் ஸ்ரீநாத் தனக்காகப் பதவி கேட்க வரவில்லை என்றும், தனது நண்பர் ஒருவருக்குப் பரிந்துரை செய்யவே விஜய்யைச் சந்திக்க வந்தார் என்றும் அவர் விளக்கியுள்ளார்.

இருப்பினும், ஸ்ரீநாத் பரிந்துரைத்த நபரின் நடவடிக்கைகள் மற்றும் பின்னணி சரியாக இல்லாததால் அவருக்குப் பொறுப்பு வழங்க விஜய் மறுத்துவிட்டார். அதன் பின்னரே, “நானே அந்தப் பொறுப்பில் நிற்கட்டுமா?” என்று ஸ்ரீநாத் கேட்க, விஜய் உடனடியாகச் சம்மதிக்காமல் ஒரு மாதம் வரை தீர யோசித்து, முழுமையாகப் பரிசீலித்த பிறகே அவருக்கு அந்தப் பதவியை வழங்கினார் என்று சஞ்சீவ் பகிர்ந்துள்ளார்.