“லக்கானியை தூக்கிய CM விஜய்” மின்வாரிய ஊழல் ஃபைல்களை ஓப்பன் செய்யும் தவெக அரசு.. செந்தில் பாலாஜிக்கு மீண்டும் செக்..?

செந்தில் பாலாஜி மின்சாரத் துறை அமைச்சராக இருந்த காலகட்டத்தில், அத்துறையின் முதன்மைச் செயலாளராகப் பணியாற்றிய மூத்த ஐஏஎஸ் அதிகாரி ராஜேஷ் லக்கானியை மீண்டும் தமிழக அரசின் முக்கிய நிர்வாகப் பொறுப்பிற்குள் முதலமைச்சர் விஜய் கொண்டு வந்துள்ளார். கடந்த திமுக ஆட்சியில் மின்சார வாரியத்தில் டிரான்ஸ்ஃபார்மர்கள் கொள்முதல் செய்யப்பட்டதில் மிகப்பெரிய அளவில் நிதி முறைகேடுகளும், ஊழல்களும் நடைபெற்றதாகப் புகார்கள் எழுந்தன. இந்த விவகாரங்கள் அனைத்தும் துறையின் செயலாளராக இருந்த ராஜேஷ் லக்கானிக்குத் துல்லியமாகத் தெரியும் என்பதால், அவர் மூலம் முக்கியமான உள்விவரங்களையும், ரகசிய ஆவணங்களையும் திரட்ட தவெக அரசு தற்பொழுது அதிரடியாக முடிவெடுத்துள்ளதாகக் கூறப்படுகிறது.

இந்த அதிரடி நடவடிக்கையின் பின்னணியில், மின்சாரத் துறையில் நடைபெற்ற ஊழல் முறைகேடுகளுக்குக் காரணமான முக்கிய புள்ளிகள் மீது வலுவான ஆதாரங்களுடன் சட்டப்பூர்வ நடவடிக்கை எடுக்க ஆட்சி மேலிடம் திட்டமிட்டுள்ளதாகத் தெரிகிறது. குறிப்பாக, சேகரிக்கப்படும் வலுவான சான்றுகளின் அடிப்படையில் முன்னாள் அமைச்சர் செந்தில் பாலாஜிக்கு எதிராக நீதிமன்றத்தில் முறையான வழக்குகளைத் தொடுத்து, அவரைச் சிறையில் தள்ளுவதற்கான வியூகங்களை அரசு வகுத்து வருவதாக அரசியல் வட்டாரங்களில் தற்பொழுது பரபரப்பான தகவல்கள் கசிந்துள்ளன.