யாருடா இவன்… கம்ப்யூட்டரையே காலி பண்ணிடுவான் போல…?!” 200 கோடி வருஷ காலண்டர நொடியில சொல்லும் 12 வயசு சிறுவன்..!!

ஆந்திரப் பிரதேச மாநிலம், டாக்டர் பி.ஆர். அம்பேத்கர் கோனசீமா மாவட்டத்தைச் சேர்ந்த 12 வயது சிறுவன் சச்சின், கணிதக் கணக்கீடுகள் மற்றும் நாள்காட்டி கணிப்பில் கணினியை விட வேகமாகக் கணக்கிட்டு உலக சாதனை படைத்துள்ளார். அண்மையில் நடைபெற்ற சர்வதேசப் போட்டியொன்றில், 1 முதல் 2 பில்லியன் ஆண்டுகள் வரையிலான எந்தவொரு குறிப்பிட்ட தேதியின் கிழமையையும் சில வினாடிகளில் துல்லியமாகக் கூறி நடுவர்களை வியப்பில் ஆழ்த்தியுள்ளார்.

கோனசீமா மாவட்டம் ராஜோலு மண்டலத்தில் உள்ள போதலதா கிராமத்தைச் சேர்ந்த சச்சினின் தந்தை, டாக்டர் பி.ஆர். அம்பேத்கர் சத்யவரபிரசாத், நாள்காட்டி மற்றும் புள்ளியியல் துறையில் நல்ல அறிவைக் கொண்டவராவார். தந்தையின் வழிகாட்டுதலால் சிறுவயதிலிருந்தே சுடோகு புதிர்களை விடுவிப்பது, எண் கோட்பாடுகள் பற்றி விவாதிப்பது எனத் தீவிரப் பயிற்சி பெற்ற சச்சின், தாள் மற்றும் பேனா ஏதுமின்றி மனதிலேயே பல நூறு கோடி ஆண்டுகளுக்கான நாள்காட்டிக் கணக்குகளை போடும் அபாரத் திறனை வளர்த்துக் கொண்டுள்ளார்.

சச்சினின் இந்த அரிய சாதனையைப் பாராட்டி, அவருக்கு ‘இன்ஃப்ளூயன்சர் புக் ஆஃப் ரெக்கார்ட்ஸ்’ அமைப்பின் சார்பில் அதிகாரப்பூர்வ சான்றிதழ் வழங்கி கௌரவிக்கப்பட்டுள்ளது. நாள்காட்டிக் கணக்கீடுகள் மட்டுமின்றி, ரூபிக்ஸ் கியூப் புதிரை சில வினாடிகளில் தீர்ப்பதிலும், கடினமான புள்ளியியல் கணக்குகளுக்கு எளிதில் விடையளிப்பதிலும் வல்லவரான சச்சின், எதிர்காலத்தில் கணிதத் துறையில் மேலும் பல உலக சாதனைகளைப் படைத்து நாட்டிற்குப் பெருமை சேர்ப்பார் என அனைவரும் நம்புகின்றனர்.