ஐசியூ-வில் இருந்த கொளத்தூர் MLA வி.எஸ்.பாபு.. பதறியடித்து ஓடோடி வந்த முதலமைச்சர் விஜய்.. மருத்துவர்களுக்கு போட்ட அதிரடி ‘அன்புக் கட்டளை’.. நெகிழ்ச்சி சம்பவம்..!!

சென்னை அமைந்தகரையில் உள்ள தனியார் மருத்துவமனையில் மூச்சுத்திணறல் காரணமாக அனுமதிக்கப்பட்டுள்ள கொளத்தூர் தொகுதி தவெக சட்டமன்ற உறுப்பினர் வி.எஸ்.பாபுவை, தமிழக முதலமைச்சர் விஜய் இன்று நேரில் சந்தித்து நலம் விசாரித்தார். கடந்த செப்டம்பர் 9-ஆம் தேதி முதல் சுமார் 14 நாட்களாக தீவிர சிகிச்சைப் பிரிவில் அனுமதிக்கப்பட்டுள்ள இவரது உடல்நிலை சில நாட்களுக்கு முன்பு மோசமடைந்ததாகத் தகவல்கள் வெளியான நிலையில், நேற்று அவரது உடல்நிலை சீரடைந்து வருவதாக மருத்துவமனை நிர்வாகம் அறிக்கை வெளியிட்டிருந்தது. இந்தச் சூழலில் மருத்துவமனைக்கு விரைந்த முதலமைச்சர் விஜய், வி.எஸ்.பாபுவின் உடல்நலம் குறித்துக் கேட்டறிந்ததோடு அவரது குடும்பத்தினரைச் சந்தித்து ஆறுதலும் நம்பிக்கையும் தெரிவித்தார்.

தொடர்ந்து, வி.எஸ்.பாபுவுக்கு அளிக்கப்பட்டு வரும் சிகிச்சைகள் குறித்து அங்கிருந்த மருத்துவ நிபுணர்களிடம் கேட்டறிந்த முதலமைச்சர் விஜய், அவருக்கு எந்தவிதத் தொய்வும் இன்றி உயர்தர சிகிச்சை வழங்கவும், அவரது உடல்நிலையைத் தீவிரமாகக் கண்காணிக்குமாறும் அன்புக் கட்டளை விடுத்தார். முன்னதாக, தவெக அமைச்சர்களான அருண் ராஜ் மற்றும் ஆதவ் அர்ஜுனா ஆகியோரும் மருத்துவமனைக்கு நேரில் சென்று வி.எஸ்.பாபுவின் குடும்பத்தினரைச் சந்தித்து நலம் விசாரித்திருந்தனர். மூச்சுத்திணறல் பாதிப்புக்காகப் பல்வேறு துறை நிபுணர்கள் அடங்கிய மருத்துவக் குழுவினர் அவருக்குத் தொடர்ந்து தீவிர சிகிச்சை அளித்து வருகின்றனர்.