“ஸ்டைல் முக்கியம்தான்… ஆனா பாதுகாப்பு?” பொம்மையோடு விளையாடுற வயசுல இப்படியா..? சிறுவனின் டிராக்டர் டிரைவிங் வீடியோவை பார்த்து அதிரும் நெட்டிசன்கள்..!!

பொம்மைகளுடன் விளையாட வேண்டிய வயதில் சிறுவன் ஒருவன் அசால்ட்டாக டிராக்டர் ஓட்டும் வீடியோ சமூக வலைதளங்களில் வெளியாகி தற்பொழுது நெட்டிசன்களிடையே பெரும் ஆச்சரியத்தையும், அதே நேரத்தில் விவாதத்தையும் ஏற்படுத்தியுள்ளது. இன்ஸ்டாகிராமில் பகிரப்பட்ட இந்த வீடியோவில், மிகச் சிறிய சிறுவன் ஒருவன் பெரிய டிராக்டரின் ஓட்டுநர் இருக்கையில் அமர்ந்து, எந்தவித பயமும் பதற்றமும் இன்றி மிகவும் நம்பிக்கையுடன் வாகனத்தை ஓட்டிச் செல்கிறான். அவனது முக பாவனைகளும், டிராக்டரை அவன் கையாண்ட விதமும் பார்ப்பவர்களை வியப்பில் ஆழ்த்தியுள்ளது.

இந்த வீடியோ சமூக வலைதளங்களில் காட்டுத்தீ போல பரவி வரும் நிலையில், பல நெட்டிசன்கள் அச்சிறுவனின் அசாத்திய தைரியத்தையும் ஸ்டைலையும் பாராட்டி ‘கெத்து’ என்று வர்ணித்து வருகின்றனர். வழக்கமாக இந்த வயதில் குழந்தைகள் பள்ளிக்கோ அல்லது நண்பர்களுடன் விளையாடவோ செய்யும் நிலையில், இந்த சிறுவன் இவ்வளவு பெரிய வாகனத்தை எப்படி இயக்கக் கற்றுக்கொண்டான் என்ற கேள்வியும் எழுந்துள்ளது. எனினும், இந்த வீடியோ எங்கு, எப்போது எடுக்கப்பட்டது என்ற அதிகாரப்பூர்வ விவரங்கள் அதில் குறிப்பிடப்படவில்லை.

https://www.instagram.com/reel/Dba1HK6JH3s/?utm_source=ig_web_button_share_sheet

மறுபுறம், சிறுவனின் இந்தச் செயல் பெரும் ஆபத்தானது என்று கூறி பல பயனர்கள் தங்களது கவலைகளையும் எச்சரிக்கைகளையும் பதிவு செய்து வருகின்றனர். டிராக்டர் என்பது ஒரு கனரக வாகனம் என்றும், அதனை இயக்குவதற்கு மிகுந்த கவனமும் முதிர்ச்சியும் தேவை என்றும் அவர்கள் சுட்டிக்காட்டுகின்றனர். இவ்வளவு சிறிய வயதில் குழந்தைகளை இதுபோன்ற ஆபத்தான வாகனங்களை ஓட்ட அனுமதிப்பது பெரிய விபத்துகளுக்கு வழிவகுக்கும் என்பதால், பெற்றோர்கள் இதில் கவனமாக இருக்க வேண்டும் என்றும் நெட்டிசன்கள் அறிவுறுத்தி வருகின்றனர்.