“விஜய் தான் அடுத்த பிரதமரா..?!” காங்கிரஸ் காரர்களுக்கு தைரியம் இருந்தா வெளியே வாங்க… ஆர்.எஸ். பாரதி விடுத்த அதிரடி சவால்.. பரபரக்கும் அரசியல் களம்..!!

தமிழக வெற்றிக் கழகத்தின் மாநாடுகள் மற்றும் கூட்டங்களில் அக்கட்சியின் தலைவரான விஜய், இந்தியாவின் அடுத்த பிரதமராக வருவார் என அவரது தொண்டர்கள் மற்றும் நிர்வாகிகள் தொடர்ந்து தங்களது கருத்துக்களை வெளிப்படுத்தி வருகின்றனர். இந்த நிலையில், சென்னை அறிவாலயத்தில் செய்தியாளர்களைச் சந்தித்த திமுக முதன்மைச் செயலாளரும், முன்னாள் எம்பியுமான ஆர்.எஸ். பாரதி, இந்த விவகாரம் குறித்துக் கடுமையான விமர்சனங்களை முன்வைத்துள்ளார். காங்கிரஸ் கட்சி மற்றும் அதன் தொண்டர்களுக்கு தைரியம் இருந்தால் வெளியில் வந்து இதற்குப் பதிலடி கொடுக்கட்டும் என்றும், விஜய்யை பிரதமராக ஏற்க அவர்கள் தயாராக இருக்கிறார்களா என்றும் அவர் சவால் விடுத்துள்ளார்.

https://twitter.com/polimernews/status/2093877719868285364/video/1

மேலும், விஜய் தான் அடுத்த பிரதமர் என்று தவெகவினர் கூறுவதைப் பார்த்தால், காங்கிரஸ் கட்சியின் நிலையை நினைத்துக் கவலைப்பட வேண்டியுள்ளது என்றும் அவர் விமர்சித்துள்ளார். “அவர்தான் பிரதமர் என்றால், தாராளமாகச் சொல்லிக்கொள்ளட்டும், அதற்கு இந்த மக்கள் அழுதுதான் தீர வேண்டும்” என்ற பாணியில் தனது கடுமையான எதிர்ப்பையும் எள்ளலையும் அவர் பதிவு செய்துள்ளார். தமிழக அரசியல் களம் தற்பொழுது விஜய் மற்றும் திமுக – காங்கிரஸ் கூட்டணிக்கு இடையேயான விவாதமாக மாறியுள்ள நிலையில், ஆர்.எஸ். பாரதியின் இந்த அதிரடி ரியாக்ஷன் அரசியல் வட்டாரத்தில் பெரும் பரபரப்பை ஏற்படுத்தியுள்ளது.