“தவெக எம்.எல்.ஏ- வின் ஜல்லிக்கட்டு சர்ச்சை பேச்சு..!” சபாநாயகர் ஜே.சி.டி.பிரபாகர் எடுத்த அதிரடி ஆக்ஷன்… சட்டமன்றத்தில் புதிய பரபரப்பு..!!!

தமிழகச் சட்டமன்றப் பேரவையில் ஜல்லிக்கட்டுப் போட்டி தொடர்பாகத் தவெக சட்டமன்ற உறுப்பினர் கருப்பையா தெரிவித்த கருத்துக்கள் அவைக்குறிப்பில் இருந்து அதிரடியாக நீக்கப்படுவதாகச் சபாநாயகர் ஜே.சி.டி.பிரபாகர் அதிகாரப்பூர்வமாக அறிவித்துள்ளார். சட்டமன்றக் கூட்டத்தொடரில் பேசிய சபாநாயகர், ஜல்லிக்கட்டுத் தொடர்பாகத் தவெக எம்.எல்.ஏ கருப்பையா பேசிய கருத்துக்கள் சமூகத்தில் தேவையற்ற சலசலப்பை ஏற்படுத்தியதாகவும், இதுகுறித்து “தமிழ்நாடு வீரவிளையாட்டு மீட்புக் கழகம்” சார்பாகத் தன்னிடம் எழுத்துப்பூர்வமாகக் கண்டனக் கடிதம் ஒன்று அளிக்கப்பட்டதாகவும் சுட்டிக்காட்டியுள்ளார்.

இந்த விவகாரம் பூதாகரமாக வெடித்ததைத் தொடர்ந்து, சம்பந்தப்பட்ட தவெக சட்டமன்ற உறுப்பினர் கருப்பையாவும் சபாநாயகரைத் நேரில் சந்தித்துத் தான் பேசியதற்கான விளக்கம் மற்றும் நியாயங்களை முன்வைத்துள்ளார். இருப்பினும், பாரம்பரியமிக்க ஜல்லிக்கட்டு விளையாட்டு மற்றும் கலாச்சாரம் குறித்துப் பொதுமக்கள் மத்தியில் எவ்வித தவறான எண்ணமும் அல்லது புரிதலும் ஏற்பட்டுவிடக் கூடாது என்ற முன்னெச்சரிக்கை நடவடிக்கையாக, அக்கருத்துக்களை அவைக்குறிப்பில் இருந்து முழுமையாக நீக்குவதாகச் சபாநாயகர் ஜே.சி.டி.பிரபாகர் திட்டவட்டமாகக் கூறியுள்ளார். இந்தச் சபாநாயகரின் அதிரடி ஆக்ஷன் தற்பொழுது அரசியல் வட்டாரத்திலும், ஜல்லிக்கட்டு ஆர்வலர்கள் மத்தியிலும் பரவலான விவாதத்தைக் கிளப்பியுள்ளது.