குஷியோ குஷி..! ரேஷன் அட்டைதாரர்களுக்கு ரூ.5,000 ரொக்கப்பணம்..? ரேஷன் அட்டைதாரர்களுக்கு செம குட் நியூஸ்..!!

வரவிருக்கும் 2027ஆம் ஆண்டு பொங்கல் பண்டிகையை முன்னிட்டு, ரேஷன் அட்டைதாரர்களுக்குத் தலா ரூ.3,000 முதல் ரூ.5,000 வரை ரொக்கப் பரிசு வழங்க வேண்டும் என்று தமிழ்நாடு அரசுக்கு பல்வேறு தரப்பிலிருந்து வலுவான கோரிக்கைகள் எழுந்துள்ளன. நடப்பு ஆண்டில் போதிய மழையின்மை காரணமாகக் குறுவை சாகுபடி முற்றிலும் பொய்த்துப் போயுள்ளதால், டெல்டா மாவட்டங்களைச் சேர்ந்த விவசாயிகள் மற்றும் பொதுமக்கள் வாழ்வாதாரத்தை இழந்து கடுமையாகப் பாதிக்கப்பட்டுள்ளனர். இந்த இக்கட்டான சூழ்நிலையைக் கருத்தில் கொண்டு, மக்களின் பண்டிகைக் காலச் செலவுகளை ஈடுகட்ட ஏதுவாக கூடுதல் ரொக்கப் பணத்தை அரசு மானியமாக அறிவிக்க வேண்டும் என சமூக ஆர்வலர்கள் வலியுறுத்துகின்றனர்.

இத்துடன், பொங்கல் பரிசுத் தொகுப்பில் இடம்பெறும் முழு கரும்பினைக் கொள்முதல் செய்வதில் இடைத்தரகர்களின் தலையீட்டைத் தவிர்க்க வேண்டும் என்ற கோரிக்கையையும் விவசாயச் சங்கங்கள் முன்வைத்துள்ளன. கரும்பு பயிரிட்டுள்ள விவசாயிகளின் வாழ்வாதாரத்தைப் பாதுகாக்கும் வகையில், கூட்டுறவுத் துறை மூலமாக அரசே நேரடியாகப் பொதுமக்களிடம் இருந்தோ அல்லது விவசாயிகளிடம் இருந்தோ கரும்புகளைக் கொள்முதல் செய்ய வேண்டும் எனக் கேட்டுக்கொண்டுள்ளனர். ஏற்கனவே அரசு 2027 பொங்கல் வேட்டி, சேலை திட்டத்திற்காக ரூ.300 கோடி நிதி ஒதுக்கீடு செய்துள்ள நிலையில், இந்த ரொக்கப் பணம் மற்றும் கரும்பு கொள்முதல் தொடர்பான விவசாயிகளின் கோரிக்கைகள் மீது அரசு விரைவில் நல்ல முடிவை அறிவிக்கும் என எதிர்பார்க்கப்படுகிறது.