“இவள் மேல காரை ஏத்திட்டு தப்பிச்சு ஓடு…” நண்பன் சொன்னதைக் கேட்டு காதலன் செய்த வெறிச்செயல்… 300 மீட்டர் கதறக் கதற இழுத்துச் செல்லப்பட்ட பெண்… பகீர் வீடியோ..!!

லக்னோவின் கோம்திநகர் விஸ்தார் காவல் நிலைய எல்லைக்குட்பட்ட ஜனேஷ்வர் மிஸ்ரா பூங்காவின் கேட் எண்-4க்கு அருகே அனாமிகா சிங் என்ற பெண் காலை 6:30 மணியளவில் தேநீர் அருந்தச் சென்றுள்ளார். அப்போது ஷாநவாஸ் தனது நண்பன் டேனிஷுடன் காரில் அங்கு வந்துள்ளார். அனாமிகாவைக் கண்டதும் ஷாநவாஸ் அவருடன் தகராறில் ஈடுபட்டு வசைபாடியுள்ளார். இதன் பின்னர் ஷாநவாஸ் அங்கிருந்து காரில் புறப்பட முயன்றபோது, அனாமிகா காரை நிறுத்த முயன்றுள்ளார். அப்போது ஷாநவாஸ் அவர் மீது காரை ஏற்றி கொல்ல முயன்றதாகவும், காரில் இருந்த டேனிஷ் “இவள் மீது காரை ஏற்றிவிட்டு இங்கிருந்து தப்பிச் செல்” என்று தூண்டிவிட்டதாகவும் கூறப்படுகிறது.

கார் திடீரென முன்னேறியதால், அனாமிகா நிலைகுலைந்து காரின் போனெட் மீது விழுந்து துடைப்பானை இறுகப் பிடித்துக் கொண்டார். அனாமிகா போனெட்டில் தொங்கியபடியே இருக்க, ஷாநவாஸ் காரை நிறுத்தாமல் சுமார் 300 மீட்டர் தூரம் அதிவேகமாக இழுத்துச் சென்றுள்ளார். பின்னர் அனாமிகா சாலையில் கீழே விழுந்து பலத்த காயமடைந்து மயக்கமடைந்தார். அங்கிருந்த பொதுமக்கள், அவரது சகோதரி மற்றும் அத்தை ஆகியோர் சேர்ந்து அவரை மீட்டு மருத்துவமனையில் அனுமதித்தனர். இச்சம்பவத்தின் அதிர்ச்சியூட்டும் வீடியோ சமூக வலைதளங்களில் வைரலாகி பெரும் பரபரப்பை ஏற்படுத்தியது.

பாதிக்கப்பட்ட அனாமிகா சிங் அளித்த புகாரின் பேரில், கோம்திநகர் விஸ்தார் காவல்துறையினர் ஷாநவாஸ் மற்றும் தானிஷ் மீது கொலை முயற்சி உள்ளிட்ட கடுமையான பிரிவுகளின் கீழ் வழக்குப்பதிவு செய்துள்ளனர். காவல்துறையினர் உடனடியாக நடவடிக்கை எடுத்து குற்றம் சாட்டப்பட்ட ஷாநவாஸைக் கைது செய்து, அவரது காரையும் பறிமுதல் செய்துள்ளனர். இதற்கிடையில், மாநில மகளிர் ஆணையத்தின் துணைத் தலைவர் அபர்ணா யாதவ் இச்சம்பவத்தைக் கவனத்தில் கொண்டு விசாரணைக்கு உத்தரவிட்டுள்ளார். இது வெறும் விபத்து வழக்கு மட்டுமல்லாமல், உறவு மற்றும் திருமண அழுத்தம் தொடர்பான கோணங்களிலும் தீவிரமாக விசாரிக்கப்பட்டு வருகிறது.