“தம்பி.. ஆன்லைன் பேமெண்ட்டா..? காசா..?” பேச்சிலேயே ஆப்படிக்க பார்த்த பெட்ரோல் பங்க் ஊழியர்..” கடைசியில் இளைஞர் செய்த தரமான சம்பவம்..!!

நாக்பூரில் உள்ள சட்டக் கல்லூரி சதுக்கப் பகுதியில் அமைந்துள்ள பெட்ரோல் பங்கிற்கு, பார்த்த் என்ற இளைஞர் தனது இருசக்கர வாகனத்திற்கு ரூ.500-க்கு பெட்ரோல் போடுவதற்காகச் சென்றுள்ளார். அங்கு இருந்த பெட்ரோல் பங்க் ஊழியர், மீட்டரை ‘பூஜ்ஜியம்’ செய்யாமல், ஏற்கனவே மெஷினில் இருந்த ரூ.102.66 என்ற தொகையிலிருந்தே பெட்ரோல் போடத் தொடங்கியுள்ளார். வாடிக்கையாளரின் கவனத்தைத் திசைதிருப்புவதற்காக, அந்த ஊழியர் ஆன்லைன் மூலமாகப் பணத்தைச் செலுத்தப்போகிறீர்களா அல்லது ரொக்கமாகக் கொடுக்கப்போகிறீர்களா என்று பேச்சு கொடுத்துக்கொண்டே ஏமாற்ற முயன்றுள்ளார்.

ஆனால், அந்த இளைஞர் பெட்ரோல் போடுவதற்கு முன்பாகவே மீட்டரைக் கவனித்திருந்ததால், அந்த ஊழியரின் தந்திரத்தை உடனடியாய் உஷாராகக் கண்டுபிடித்துவிட்டார். பெட்ரோல் பங்க் ஊழியர் பேச்சிலேயே ஏமாற்றப் பார்த்ததை உணர்ந்த பார்த்த், “இப்போதுதானே நீங்கள் பேச்சிலேயே பெரிய கேம் ஆடப் பார்த்தீர்கள்” என்று கூறி அவரது ஏமாற்று வேலையை அங்கேயே அம்பலப்படுத்தியுள்ளார். மேலும், அந்த ஊழியரைத் தனது சொந்த ஆட்டத்திலேயே மடக்குவதற்காக, “மீட்டர் 128-லிருந்துதானே தொடங்கியது?” என்று பார்த்த் கேட்க, வாயில் குட்கா மென்றுகொண்டிருந்த அந்த ஊழியர் எதுவும் பேச முடியாமல் ‘ஹ்ம்ம்-ஹ்ம்ம்’ என்று மழுப்பியுள்ளார்.

https://www.instagram.com/reel/Ddgz2opMGbC/?utm_source=ig_web_button_share_sheet

“உங்களைப் போன்ற பலரை நான் பார்த்திருக்கிறேன்” என்று அந்த இளைஞர் கூறிய வீடியோ காட்சி இணையத்தில் வைரலாகி, இதுவரை 40 லட்சத்திற்கும் அதிகமான பார்வைகளைப் பெற்றுள்ளது. இந்த வீடியோவின் கமெண்ட் பகுதியில் நெட்டிசன்கள் பலரும் “ஹேக்கர் மற்றும் டெவலப்பர் சந்திப்பு” என நகைச்சுவையாகக் குறிப்பிட்டு, அந்த இளைஞரின் நிதானமான அணுகுமுறையைப் பாராட்டி வருகின்றனர். பெட்ரோல் பங்குகளில் ஊழியர்கள் ‘பூஜ்ஜியம்’ பார்க்கச் சொன்னாலும் சொல்லாவிட்டாலும், வாடிக்கையாளர்கள் தங்களின் உரிமையாக மீட்டரில் 0 உள்ளதா என்பதைச் சரிபார்ப்பது அவசியம் என்பதை இந்தச் சம்பவம் உணர்த்துகிறது.