“ஒரு எம்எல்ஏ பதவிக்கு ரூ.31 கோடியா..?” சத்தியபாமாவை தகுதி நீக்கம் செய்ய வேண்டும்.. திமுக எம்எல்ஏ ஆஸ்டின்..!!

தாராபுரம் மற்றும் மதுராந்தகம் சட்டமன்றத் தொகுதிகளுக்கான இடைத்தேர்தல் வாக்குப்பதிவு இன்று விறுவிறுப்பாக நடைபெற்று வரும் நிலையில், தாராபுரம் தொகுதி தமிழக வெற்றிக் கழக (தவெக) வேட்பாளர் சத்தியபாமா மீது தேர்தல் நடத்தை விதிகளை மீறியதாக திமுக தரப்பில் பரபரப்பு புகார் அளிக்கப்பட்டுள்ளது. திமுக எம்எல்ஏ ஆஸ்டின், இதற்கான ஆதாரங்களுடன் தேர்தல் அதிகாரியிடம் இந்த முறையீட்டைச் செய்துள்ளார்.

சமூக ஊடகங்களில் பரவி வரும் ஒரு வீடியோ பதிவைச் சுட்டிக்காட்டி திமுக இந்தப் புகாரை எழுப்பியுள்ளது. அந்த வீடியோவில், “ஒரு எம்எல்ஏ பதவிக்கு வர ரூ.31 கோடியா?” என்பது தொடர்பாக சத்தியபாமா பேசியதாகக் கூறப்படுகிறது. தேர்தல் விதமுறைகளின்படி சட்டமன்றத் தேர்தலில் ஒரு வேட்பாளர் செலவிட வேண்டிய அதிகபட்ச வரம்பு ரூ.40 லட்சம் மட்டுமே, இந்த வீடியோவின் அடிப்படையில் சத்தியபாமாவை உடனடியாகத் தகுதி நீக்கம் செய்ய வேண்டும் என்று திமுக வலியுறுத்தியுள்ளது.

இந்த விவகாரம் குறித்து விளக்கம் அளித்துள்ள தவெக வேட்பாளர் சத்தியபாமா, தன் மீது சுமத்தப்பட்ட இந்த குற்றச்சாட்டுகளை முழுமையாக மறுத்துள்ளார். மேலும், சமூக ஊடகங்களில் பரப்பப்படும் அந்த வீடியோ, அரசியல் காழ்ப்புணர்ச்சி காரணமாகத் தன்னுடைய “திமுக எதிர்ப்பாளர்களால் திட்டமிட்டுத் ஜோடிக்கப்பட்ட வேலை” என்றும், அதற்குரிய விளக்க ஆதாரங்களைத் தான் ஏற்கனவே இந்திய தேர்தல் ஆணையத்திடம் சமர்ப்பித்துவிட்டதாகவும் அவர் தெரிவித்துள்ளார். வாக்குப்பதிவு நடக்கும் இன்றைய நாளில் இந்த விவகாரம் அரசியல் வட்டாரத்தில் பெரும் பரபரப்பை ஏற்படுத்தியுள்ளது.