“பணம் கொடுக்கல, ஃபார்முலாவும் இல்ல!” எதிர்க்கட்சிகளை மிரளவிட்ட இடைத்தேர்தல் வெற்றி ரகசியத்தை உடைத்த முதல்வர் விஜய்..!!

மதுராந்தகம் மற்றும் தாராபுரம் சட்டமன்றத் தொகுதி இடைத்தேர்தல்களில் தமிழக வெற்றிக் கழகம் வேட்பாளர்கள் அமோக வெற்றி பெற்றுள்ள நிலையில், வாக்காளர்களுக்கு நன்றி தெரிவித்து முதல்வர் விஜய் சிறப்பு அறிக்கை ஒன்றை வெளியிட்டுள்ளார். அதில், இந்த வெற்றி எந்தவித பணநாயகத்தின் மூலமும் கிடைக்கவில்லை என்றும், அன்பு, பாசம் மற்றும் உண்மையான ஜனநாயகத்தின் அடிப்படையில் மக்கள் தனக்கு அளித்த மாபெரும் அங்கீகாரம் என்றும் அவர் நெகிழ்ச்சியுடன் குறிப்பிட்டுள்ளார்.

தேர்தல் களத்தில் பணப்பட்டுவாடா மற்றும் பழைய தேர்தல் ‘ஃபார்முலாக்களை’ நம்பாமல், நேர்மையான முறையில் இந்த வெற்றியைப் பெற்றுள்ளதாக விஜய் தெரிவித்துள்ளார். மேலும், வெறும் இரண்டு நாட்கள் மட்டுமே பிரசாரம் செய்ததை கேலி செய்தவர்களுக்கு மக்கள் தங்கள் வாக்குகள் மூலம் தக்க பதிலடி கொடுத்துள்ளதாகக் குறிப்பிட்டுள்ள அவர், தமிழகம் ஊழல் சக்திகளின் கோட்டை அல்ல, மாறாக மாபெரும் மக்கள் சக்தியின் கோட்டை என்பதை இந்த முடிவுகள் நிரூபித்துள்ளதாகத் தெரிவித்தார்.

இடைத்தேர்தலில் தவெக வேட்பாளர்களை வெற்றி பெறச் செய்த வாக்காளர்களுக்கும், மதச்சார்பற்ற முற்போக்கு கூட்டணியில் அங்கம் வகிக்கும் தோழமைக் கட்சிகளின் தலைவர்களுக்கும், உழைத்த நிர்வாகிகளுக்கும் விஜய் தனது மனமார்ந்த நன்றியைத் தெரிவித்துள்ளார். பெண்களை இழிவுபடுத்தும் தனிப்பட்ட தாக்குதல்களுக்கும், அவதூறுகளுக்கும் மக்கள் தங்கள் வாக்குகள் மூலம் சாட்டையடி கொடுத்துள்ளதாகவும், “நல்லதே நடக்கும், வெற்றி நிச்சயம்” என்றும் அவர் தனது அறிக்கையை நிறைவு செய்துள்ளார்.