LATEST NEWS
ஐயோ பாவம்..! பறந்து வந்த லாரி.. துடிதுடித்து நசுங்கிப் போன 25 உயிர்கள்..! கதறும் உரிமையாளர்… தேசிய நெடுஞ்சாலையில் அரங்கேறிய கோர விபத்து..!!
குஜராத் மாநிலம் மோர்பி மாவட்டத்தில் உள்ள மாலியா பகுதியில், கன்ட்லா – மோர்பி தேசிய நெடுஞ்சாலையைக் கடக்க முயன்ற ஆட்டு மந்தையின் மீது அதிவேகமாக வந்த சரக்கு லாரி ஒன்று எதிர்பாராதவிதமாக மோதி பெரும் விபத்தை ஏற்படுத்தியது. அக்டோபர் 7 அன்று நிகழ்ந்த இந்த கோர சம்பவத்தில், சாலையோரமாகச் சென்றுகொண்டிருந்த கால்நடைகள் லாரியின் சக்கரங்களில் சிக்கி நசுங்கின.
இந்த விபத்தின் தாக்கத்தால் 23 செம்மறி ஆடுகள் மற்றும் 2 வெள்ளாடுகள் என மொத்தம் 25 கால்நடைகள் சம்பவ இடத்திலேயே பரிதாபமாக உயிரிழந்தன. அத்துடன் 30-க்கும் மேற்பட்ட ஆடுகள் படுகாயமடைந்த நிலையில், விபத்து தொடர்பான அதிர்ச்சியூட்டும் சிசிடிவி காட்சிகள் வெளியாகி அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது.
