EPS-க்கு அடுத்த ஷாக்..! தவெக-வில் இணையும் 21 எம்.எல்.ஏக்கள்..? வேலுமணி, சி.வி.சண்முகம் அதிரடி மூவ்… அதிமுகவில் பலத்த அதிர்ச்சி..!!

தமிழ்நாட்டில் சமீபத்தில் நடந்து முடிந்த மதுராந்தகம் மற்றும் தாராபுரம் சட்டமன்ற இடைத்தேர்தல் முடிவுகள், தமிழக அரசியல் களத்தில் பெரும் பரபரப்பை ஏற்படுத்தியுள்ளன. அதிமுகவில் இருந்து விலகி, தமிழக வெற்றி கழகத்தின்விசில் சின்னத்தில் போட்டியிட்ட மரகதம் குமரவேல் (மதுராந்தகம்) மற்றும் பி. சத்தியபாமா (தாராபுரம்) ஆகிய இருவருமே தங்களது தொகுதிகளில் அபார வெற்றி பெற்றுள்ளனர். இந்தத் தொடர் தேர்தல் தோல்விகளால் அதிர்ச்சியடைந்துள்ள அதிமுகவின் ஒரு தரப்பினர், தற்போதைய பொதுச் செயலாளர் எடப்பாடி பழனிசாமி தனது பதவி விலகலை அறிவிக்க வேண்டும் என மீண்டும் போர்க்கொடி தூக்கத் தொடங்கியுள்ளனர்.

இந்த அரசியல் சூழ்நிலைக்கு மத்தியில், அதிமுகவில் எடப்பாடி பழனிசாமிக்கு எதிராக மற்றொரு பெரிய உள்கட்சிப் பூசல் வெடித்துள்ளதாகத் தகவல்கள் கசிகின்றன. கட்சித் தலைமை இந்தத் தோல்விகளுக்குப் பொறுப்பேற்று உரிய நடவடிக்கை எடுக்காவிட்டால், சரியாக ஒரு வாரத்திற்குள், அதாவது வரும் அக்டோபர் 17 அன்று வரவிருக்கும் அதிமுகவின் 54-வது தொடக்க நாளுக்குள் அக்கட்சியின் கூடாரம் பெருமளவில் காலியாகும் அபாயம் உள்ளதாக அரசியல் வட்டாரங்கள் முணுமுணுக்கின்றன.

குறிப்பாக, அதிமுகவின் முக்கிய மூத்த தலைவர்களான முன்னாள் அமைச்சர்கள் எஸ்.பி. வேலுமணி மற்றும் சி.வி. சண்முகம் ஆகியோரது வழிகாட்டுதலின் கீழ், சுமார் 21 முதல் 33 வரையிலான அதிமுக எம்.எல்.ஏ.க்கள் தவெகவில் இணைவதற்கோ அல்லது வெளியிலிருந்து ஆதரவு அளிப்பதற்கோ தீவிரமாக ஆலோசித்து வருவதாகத் தகவல்கள் பரவி வருகின்றன. இந்த அதிரடி அரசியல் நகர்வுகள் காரணமாக அதிமுக தலைமை கடுமையான அழுத்தத்திற்கு உள்ளாகியுள்ளதுடன், அடுத்த சில நாட்களில் தமிழ்நாட்டின் அரசியல் கட்டமைப்பு அடுத்தகட்ட திருப்பத்தை நோக்கி நகரும் என எதிர்பார்க்கப்படுகிறது.