“என்னை நம்பு பாப்பா…” 4-வது மாடியில் சிறுமிக்குக் காத்திருந்த மரண பயம்.. கண் இமைக்கும் நேரத்தில் நடந்த மிராக்கிள்.. வைரல் வீடியோ..!!

கட்டிடத்தின் நான்காவது மாடியில், வெறும் 6 அங்குல குறுகிய விளிம்பில் ஒரு சிறுமி ஆபத்தான நிலையில் அமர்ந்திருந்தபோது, தீயணைப்பு வீரர் ஒருவர் கயிறு மூலம் கீழே இறங்கி அவளை மீட்கும் நெஞ்சை பதறவைக்கும் சம்பவம் நடந்துள்ளது. எந்தவொரு சிறிய தவறுக்கும் இடமில்லாத, ஒரு அடி கூட பின்வாங்க முடியாத அந்த இக்கட்டான சூழ்நிலையில், அந்த தீயணைப்பு வீரர் எவ்வித அவசரமும் காட்டாமல் மிகவும் நிதானமாகச் சிறுமியை நெருங்கியுள்ளார். பின்னர் அவளைத் தழுவி, அவளுக்கு நம்பிக்கையூட்டி, தன்னை நோக்கி வரவழைத்துள்ளார். அச்சத்தில் இருந்த அந்தச் சிறுமியும் தனது முழுப் பாதுகாப்பையும் அந்த துணிச்சலான மனிதரை நம்பி, அவரை இறுகக் கட்டியணைத்துக் கொண்டாள்.

அந்தச் சிறுமியைத் தனது நெஞ்சோடு அணைத்துக்கொண்ட தீயணைப்பு வீரர், எவ்வித ஆபத்துமின்றி அவளைப் பத்திரமாக மீட்டுள்ளார். சீருடை அணிவது என்பது ஒரு கடமை என்றாலும், அடுத்தவர் உயிரைக் காப்பாற்றுவதற்காகத் தன் உயிரையும் பொருட்படுத்தாமல் களமிறங்கிய அந்த வீரரின் துணிச்சல், புத்தி கூர்மை மற்றும் பொறுமைக்கு உலகெங்கிலும் இருந்து பாராட்டுகளும் சல்யூட்களும் குவிந்து வருகின்றன. இந்த மீட்புப் போராட்டத்தின் பதற்றமான மற்றும் நெகிழ்ச்சியான வீடியோ காட்சிகள் தற்போது சமூக வலைத்தளங்களில் வைரலாகி பலரையும் நெகிழச் செய்துள்ளது.