சீச்சீ.. மனுஷன் குடிப்பானா இதை..?! ஏற்கனவே யூஸ் பண்ணிய ஜூஸ் கப்பை மறுபடியும் கழுவி பயன்படுத்திய தியேட்டர்.. அதிரடியாக மூடி சீல் வைத்த அதிகாரிகள்..! இணையத்தை உலுக்கும் வீடியோ..!!

பெங்களூருவில் உள்ள போரம் மாலில் அமைந்துள்ள பிவிஆர் ஐநாக்ஸ் மல்டிபிளெக்ஸில், வாடிக்கையாளர்களுக்குப் பயன்படுத்தப்பட்ட டிஸ்போசபிள் ஜூஸ் கப்களை ஊழியர்கள் மீண்டும் கழுவிப் பயன்படுத்துவதைக் காட்டும் ஒரு இன்ஸ்டாகிராம் வீடியோ சமூக வலைதளங்களில் வைரலாக பரவியது. மிதில் குமார் என்ற வாடிக்கையாளர் இந்த வீடியோவை வெளியிட்டிருந்தார். மல்டிபிளெக்ஸ் உணவு மற்றும் பான கவுன்டர்களில் பின்பற்றப்படும் சுகாதாரமற்ற முறைகளைக் கண்டித்து இந்த வீடியோ இணையத்தில் பெரும் கொந்தளிப்பை ஏற்படுத்தியதுடன், மக்களிடையே சுகாதாரச் சீர்கேடு குறித்த கவலையையும் எழுப்பியது.

இந்த விவகாரம் வெளிச்சத்திற்கு வந்ததைத் தொடர்ந்து, கர்நாடக உணவுப் பாதுகாப்புத் துறையினர் உடனடியாக சம்பந்தப்பட்ட திரையரங்கின் ஜூஸ் கவுன்டரில் அதிரடி ஆய்வு மேற்கொண்டனர். இந்த சோதனையின்போது உணவுப் பாதுகாப்பு விதிகள் மீறப்பட்டது உறுதி செய்யப்படுவதாக அதிகாரிகள் தெரிவித்தனர். இதனையடுத்து, பொதுமக்களின் உடல்நலத்திற்கு முன்னுரிமை அளிக்கும் வகையில் அந்த ஜூஸ் கவுன்டர் உடனடியாக அதிரடியாக மூடப்பட்டதுடன், நிறுவனத்திற்கு அதிகாரப்பூர்வ நோட்டீஸும் வழங்கப்பட்டது.

https://www.instagram.com/reel/DfVAgOvSW8w/?utm_source=ig_web_button_share_sheet

பெரிய பிராண்டுகள் முதல் சிறிய கடைகள் வரை உணவுப் பாதுகாப்பு விதிகள் அனைவருக்கும் பொதுவானவை என்றும், வணிக நலன்களைக் காட்டிலும் மக்களின் உடல்நலமே முக்கியம் என்றும் கர்நாடக சுகாதாரத்துறை அதிகாரிகள் மற்றும் அமைச்சர்கள் எச்சரித்தனர். மேலும், இதுபோன்ற சுகாதாரமற்ற செயல்களைக் கண்டால் பொதுமக்கள் உணவுப் பாதுகாப்பு கியூஆர் கோடு மூலம் புகாரளிக்கலாம் என்றும் அறிவுறுத்தப்பட்டுள்ளது. இதற்கிடையே, போரம் சவுத் பெங்களூரு நிர்வாகம் இந்தச் சம்பவத்திற்கு மன்னிப்புக்கோரியதுடன், உரிய விசாரணை நடத்தப்பட்டு வருவதாகவும் அறிவித்துள்ளது.