“எல்லாரும் ஒன்னா கடவுள்கிட்ட போவோம்..” பெத்த பிள்ளைகளுக்கு விஷம் கொடுத்து கழுத்தை நெரித்த தாய்.. நெஞ்சை பதறவைக்கும் பின்னணி..!! – cinefeeds
Connect with us

CRIME

“எல்லாரும் ஒன்னா கடவுள்கிட்ட போவோம்..” பெத்த பிள்ளைகளுக்கு விஷம் கொடுத்து கழுத்தை நெரித்த தாய்.. நெஞ்சை பதறவைக்கும் பின்னணி..!!

Published

on

மாசசூசெட்ஸ் மாநிலத்தின் வெல்லெஸ்லி பகுதியில் கடந்த 2026 ஏப்ரல் 24 அன்று கை மெக்கவுஸ்லேண்ட் (7) மற்றும் அவரது தங்கை எல்ரா மெக்கவுஸ்லேண்ட் (6) ஆகிய இரு சிறுவர்களும் உயிரிழந்த நிலையில் கண்டெடுக்கப்பட்டனர். தற்போது வெளியாகியுள்ள மருத்துவப் பரிசோதனை அறிக்கையில், அந்தப் குழந்தைகள் கழுத்து நெரித்து மூச்சுத்திணறடிக்கப்பட்டும், அதே வேளையில் அவர்களின் உடலில் ஆம்பியன், அடிவன் போன்ற தூக்க மற்றும் பதற்றத்தைக் குறைக்கும் மருந்துகளுடன் டைலினால், அட்வில் போன்ற வலி நிவாரணிகளும் அதிகளவில் செலுத்தப்பட்டிருந்தது கண்டுபிடிக்கப்பட்டுள்ளது.

இக்கொடூரச் செயலைச் செய்ததாக அவர்களின் தாயாரான ஜேனட் மெக்கவுஸ்லேண்ட் (49) மீது முதல் நிலை கொலைக் வழக்கு பதிவு செய்யப்பட்டுள்ளது. ஏப்ரல் 22 அன்று இக்கொலையைச் செய்த பிறகு, அவர் வெர்மான்ட் மாநிலத்திலுள்ள தனது அத்தையின் வீட்டிற்குத் தப்பிச் சென்றுள்ளார். கழுத்தில் வெட்டுக் காயத்துடன் காணப்பட்ட அவர், தனது பிள்ளைகளைக் கொன்றுவிட்டு தானும் தற்கொலை செய்ய முயன்றதாகவும், அனைவரும் ஒன்றாக “கடவுளிடம் செல்ல விரும்பியதாகவும்” ஒப்புக்கொண்டுள்ளார்.

Advertisement

ஜேனட் மற்றும் அவரது கணவர் இடையே விவாகரத்து மற்றும் குழந்தைகளின் உரிமை தொடர்பான வழக்கு நீதிமன்றத்தில் நடந்து வந்தது. குழந்தை உரிமை குறித்த விசாரணையாளரை நீதிமன்றம் நியமித்த சில நாட்களிலேயே இச்சம்பவம் நடந்துள்ளது. அக்டோபர் 19 அன்று கிராண்ட் ஜூரி மூலமாக ஜேனட் மீது இரு கொலை வழக்குகள் உறுதி செய்யப்பட்டு, அவர் பிணையில்லாமல் சிறையில் அடைக்கப்பட்டுள்ளார். குற்றம் நிரூபிக்கப்பட்டால் அவருக்கு ஆயுள் தண்டனை விதிக்கப்பட வாய்ப்புள்ளது.

Advertisement
Continue Reading
Advertisement

Copyright © 2023 www.cinefeeds.in