நடுரோட்டில் ஆடைகளை களைந்து… திருநங்கைகள் நிர்வாண போராட்டம்… போலீசாரை காலால் உதைத்த அதிர்ச்சி வீடியோ வைரல்..!!

உத்தரப் பிரதேச மாநிலம் ஜான்சியில் உள்ள முதுநிலை காவல் கண்காணிப்பாளர் அலுவலகம் முன்பாக திருநங்கைகள் நடத்திய போராட்டம் வன்முறையாக மாறிய சம்பவம் பெரும் பரபரப்பை ஏற்படுத்தியுள்ளது. போலீசாருக்கு எதிராக கோஷங்களை எழுப்பி, திடீரென தங்கள் உடைகளை களைந்து நிர்வாணமாக போராடிய திருநங்கைகள், அங்கு பாதுகாப்பு பணியில் இருந்த போலீஸ் அதிகாரி ஒருவரை காலால் உதைத்து தாக்கியுள்ளனர். இந்த மோதல் மற்றும் தாக்குதல் தொடர்பான வீடியோ காட்சிகள் இணையத்தில் வெளியாகி தற்போது காட்டுத்தீயாய் பரவி வருகிறது.

இந்த வன்முறைப் போராட்டத்தின் காரணமாக அந்த முக்கிய சாலையில் போக்குவரத்து முற்றிலும் பாதிக்கப்பட்டு, அப்பகுதியில் பெரும் சட்டம் ஒழுங்கு பிரச்சனை ஏற்பட்டது. போலீசாருக்கும் திருநங்கைகளுக்கும் இடையே ஏற்பட்ட இந்த மோதலுக்கான பின்னணி மற்றும் போராட்டத்திற்கான துல்லியமான காரணம் என்ன என்பது குறித்து உள்ளூர் போலீசார் தீவிர விசாரணை மேற்கொண்டு வருகின்றனர். அத்துடன் வன்முறையில் ஈடுபட்டவர்கள் மீது சட்டப்படி நடவடிக்கை எடுக்கப்படும் என்றும் காவல்துறை தரப்பில் தெரிவிக்கப்பட்டுள்ளது.