“1000 முறை கூட அவரை கல்யாணம் பண்ணுவேன்…” எல்லை மீறும் விமர்சனங்கள்…! கடுப்பான ராஷ்மிகா கொடுத்த தரமான பதிலடி..!!

நடிகர் விஜய் தேவரகொண்டா மற்றும் நடிகை ராஷ்மிகா மந்தனா ஆகியோரின் உறவு குறித்து சமூக வலைதளங்களில் பரவிய விமர்சனங்களுக்கும் கடுமையான கருத்துகளுக்கும் நடிகை ராஷ்மிகா மந்தனா தனது கடுமையான கண்டனங்களை வெளிப்படுத்தியுள்ளார். அவர்கள் இருவரும் இணைந்து பங்குபெற்ற நேர்காணல் ஒன்றில் வெளிப்பட்ட கருத்துகளைத் தவறாகப் புரிந்துகொண்டு, இணையவாசிகள் சிலர் தேவையில்லாமல் எதிர்மறையான விமர்சனங்களையும் கோபத்தையும் வெளிப்படுத்தியதாக அவர் குறிப்பிட்டுள்ளார்.

இந்த விவகாரத்தில் தன் தரப்பு நியாயத்தைப் தெளிவுபடுத்தியுள்ள ராஷ்மிகா, திருமணம் என்பது வெறும் ஆரவாரமான நிகழ்வுகளோ அல்லது வெளிப்புறக் காட்சிகளோ அல்ல என்றும், அது இரு மனங்கள் இணைந்து எதிர்காலத்தை உருவாக்குவதே என்றும் விளக்கியுள்ளார். மேலும், தனது வாழ்க்கைத் துணையாக வரவிருக்கும் நபர் மீது தனக்கு இருக்கும் அன்பும் மதிப்பும் உண்மையானவை என்றும், கடினமான சூழ்நிலைகளிலும் தங்களது பரஸ்பர புரிதலே தங்களை இணைத்து வைத்திருப்பதாகவும் அவர் தெரிவித்துள்ளார்.

https://www.instagram.com/p/De84LdOCFWC/?utm_source=ig_web_button_share_sheet

தன்னைக் குறித்து பரப்பப்படும் தவறான கருத்துகளுக்கும் வதந்திகளுக்கும் பதிலளித்துள்ள அவர், தான் தன் துணையை மனதார நேசிப்பதாகவும், அவனுடன் வாழ்நாள் முழுவதும் பயணிக்க விரும்புவதாகவும் குறிப்பிட்டுள்ளார். மேலும், அந்தப் பதிவில் அவர் கூறுகையில், “யாராவது தங்களது காதலையோ அல்லது கணவனையோ எந்தளவுக்கு நேசிக்கிறார்கள் என்பதை வெளிப்படுத்துவதில் தவறில்லை. நான் என் கணவரை மனதார நேசிக்கிறேன்; தேவைப்பட்டால் அவரை ஆயிரம் முறை கூட திருமணம் செய்யத் தயார்” என்று கூறி விமர்சகர்களுக்கு மிகச் சரியான மற்றும் தைரியமான பதிலைக் கொடுத்துள்ளார்.