“இது அப்பட்டமான பாலியல் துன்புறுத்தல்..!” நடிகை சுனைனாவுக்கு நேர்ந்த விபரீதம்.. இன்ஸ்டாகிராமில் கொந்தளித்த பிரபல நடிகை.. அதிர்ந்த தமிழ் சினிமா..!!

தமிழ் திரையுலகில் பிரபலமான நடிகை சுனைனா, தனது முகத்தை செயற்கை நுண்ணறிவு தொழில்நுட்பத்தைப் பயன்படுத்தி ஆபாசமான வீடியோவில் தவறாகச் சித்தரித்து சமூக வலைதளங்களில் பரப்பி வருபவர்களுக்குக் கடும் கண்டனம் தெரிவித்துள்ளார். இணையத்தில் வைரலாகி வரும் இந்த வீடியோக்களால் அதிர்ச்சியடைந்த அவர், தனது இன்ஸ்டாகிராம் பக்கத்தில் அதிகாரப்பூர்வ அறிக்கை ஒன்றை வெளியிட்டுள்ளார். அதில், தற்போது பரவி வரும் வீடியோக்கள் அனைத்தும் டிஜிட்டல் முறையில் போலியாக உருவாக்கப்பட்டவை என்றும், அந்த ஆபாச உள்ளடக்கங்களுக்கும் தனக்கும் எந்தவிதமான தொடர்பும் இல்லை என்றும் திட்டவட்டமாகத் தெளிவுபடுத்தியுள்ளார்.

தனது அறிக்கையில் இந்த அருவருப்பான செயலை வன்மையாகக் கண்டித்துள்ள சுனைனா, “இந்தத் தீய நோக்கம் கொண்ட செயலால் நான் பெரிதும் மனவேதனை அடைந்துள்ளேன்; எனது கண்ணியம், தனியுரிமை மற்றும் அடையாளத்தை மீறும் இச்செயல் அப்பட்டமான பாலியல் துன்புறுத்தலாகும். தகவல் தொழில்நுட்பச் சட்டம் 2000 மற்றும் பாரதிய நியாய சன்ஹிதா 2023 ஆகிய இந்தியச் சட்டங்களின்படி இது கடுமையான குற்றமாகும்” என்று சுட்டிக்காட்டியுள்ளார். மேலும், இந்த வீடியோக்களை உருவாக்குவது, பகிர்வது அல்லது மறுபதிவு செய்வதை அனைவரும் உடனடியாக நிறுத்த வேண்டும் என்றும், மீறுபவர்கள் மீது எவ்வித முன்னறிவிப்புமின்றி சட்டப்படி சிவில் மற்றும் குற்றவியல் நடவடிக்கைகள் எடுக்கப்படும் என்றும் அவர் எச்சரித்துள்ளார்.

ஏற்கெனவே பதிவிடப்பட்ட வீடியோக்களை உடனடியாக நீக்க வேண்டும் என்று எச்சரித்துள்ள நடிகை சுனைனா, பொதுமக்களும் ஊடகங்களும் இதுபோன்ற போலியான ஆபாச வீடியோக்களைப் பகிர வேண்டாம் என்றும், அவை எங்கு தென்பட்டாலும் உடனடியாகப் புகார் அளிக்க வேண்டும் என்றும் வேண்டுகோள் விடுத்துள்ளார். செயற்கை நுண்ணறிவு தொழில்நுட்பத்தைத் தவறாகப் பயன்படுத்திப் பெண்களை இழிவுபடுத்தும் இத்தகைய சைபர் குற்றங்களுக்கு எதிராக நடிகை சுனைனா துணிச்சலுடன் வெளியிட்டுள்ள இந்த அறிக்கை தற்போது இணையத்தில் பெரும் கவனத்தைப் பெற்றுள்ளது.