CRIME
“பூப்பறிக்கச் சென்ற இடத்தில் இப்படியா..?” மகனைக் காப்பாற்றப் பாய்ந்த தந்தை.. பால்கனியில் அரங்கேறிய அந்த பயங்கரம்.. நெஞ்சை உலுக்கும் சோகம்..!!
மத்திய செயலகத்தில் பிரிவு அதிகாரியாகப் பணிபுரிந்த ரந்தீப் மற்றும் அவரது மகன் ஆரவ் ஆகியோர், டெல்லியில் உள்ள தங்களது வீட்டு பால்கனியில் இருந்து தவறி விழுந்து பரிதாபமாக உயிரிழந்தனர். இந்தத் துயரச் சம்பவம் அவர்கள் கது ஷியாம் கோயிலுக்குச் செல்வதற்கும், அங்கு ஒரு நிலப் பதிவை முடிப்பதற்கும் திட்டமிட்டிருந்த நேற்று அதிகாலையில் நடந்துள்ளது. வழிபாட்டிற்காக பால்கனி கிரில் வழியாக கூரை வரை படர்ந்திருந்த மரங்களில் இருந்து பூக்களைப் பறிக்க முயன்றபோது, ஏணியில் ஏறிய மகன் ஆரவ் நிலைதடுமாறி பால்கனிக்கு வெளியே விழத் தொடங்கியுள்ளார். அப்போது பால்கனி ரெயிலிங்கைப் பிடித்துத் தொங்கிய மகனைக் காப்பாற்ற தந்தை ரந்தீப் அவசரமாக ஓடிச் சென்றபோது, அவரும் கால் சறுக்கி இருவரும் கீழே விழுந்து மரணமடைந்தனர்.
இந்தச் சம்பவம் குறித்து காவல்துறை விசாரணை நடத்தியபோது, ரந்தீப்பின் மனைவியும் மத்திய செயலகத்தின் பிரிவு அதிகாரியுமான அம்ரிதா ஸ்ரீமணி இந்த விவரங்களை கண்ணீருடன் தெரிவித்துள்ளார். சம்பவ இடத்திற்கு விரைந்து வந்த போலீசார், தந்தை மற்றும் மகனின் உடல்களைக் கைப்பற்றி பிரேதப் பரிசோதனைக்காக அனுப்பி வைத்துள்ளனர். பூப்பறிக்கப் பயன்படுத்திய சிறிய ஏணி, பால்கனியில் வைக்கப்பட்டிருந்த செடித்தொட்டிகள் மற்றும் விபத்து நடந்த விதம் குறித்து போலீசார் தொடர்ந்து தீவிர விசாரணை மேற்கொண்டு வருகின்றனர்.
