பகீர்.. வீட்டிற்கு 30 மீட்டர் தூரத்தில் காத்திருந்த மரணம்.. 13 வயது சிறுவனை காட்டுக்குள் இழுத்துச் சென்ற கொடூர சிறுத்தை.. நெஞ்சை உலுக்கும் சோக சம்பவம்..!!

உத்தரகண்ட் மாநிலம் சம்பாவத் மாவட்டத்தின் லோஹாகாட் பகுதிக்கு உட்பட்ட சூயி டூங்ரி கிராமத்தில், 13 வயது சிறுவன் ஹிமான்ஷு புஜாரி சிறுத்தை தாக்கியதில் பரிதாபமாக உயிரிழந்தார். கடந்த புதன்கிழமை மாலை சுமார் 6:30 மணியளவில், ராய்கோட் திருவிழாவைப் பார்த்துவிட்டு சிறுவன் தனது வீட்டை நோக்கித் திரும்பி வந்து கொண்டிருந்தான். அவனது வீட்டிற்குச் சற்று முன்பாக, வெறும் 30 மீட்டர் தொலைவில் மறைந்திருந்த சிறுத்தை ஒன்று, எதிர்பாராதவிதமாக அவனைக் கொடூரமாகத் தாக்கி காட்டுப்பகுதிக்குள் இழுத்துச் சென்றது.

சிறுவன் நீண்ட நேரமாகியும் வீடு திரும்பாததால் பதற்றமடைந்த குடும்பத்தினரும் கிராம மக்களும் இணைந்து தீவிரத் தேடுதல் வேட்டையில் ஈடுபட்டனர். அன்றைய இரவு சுமார் 9:30 மணியளவில், அவனது வீட்டிற்குக் கீழே இருந்த விவசாய நிலப் பகுதியில் சிறுவன் ஹிமான்ஷுவின் சடலம் கண்டெடுக்கப்பட்டது. ஏழாம் வகுப்பு படித்து வந்த ஹிமான்ஷு, இரண்டு சகோதரிகளுக்கு ஒரே ஒரு அன்புத் தம்பி என்பதால், அவனது இழப்பு அந்தக் குடும்பத்தையே நிலைகுலையச் செய்துள்ளது. இச்சம்பவத்தால் அப்பகுதி மக்கள் பெரும் பீதியிலும் சோகத்திலும் ஆழ்ந்துள்ளனர்.