“அப்பா அம்மாவ விட்ருங்க” அலறிய 9 வயது மகள்.. கண்முன்னே மனைவியைக் துடிதுடிக்க கொ** கணவன்.. சென்னையில் அதிர்ச்சி..!!!

சென்னையை அடுத்த பாலவாக்கத்தில், குடும்பத் தகராறு காரணமாக விவேக் என்ற நபர் தனது மனைவி முத்துபிரியாவை கத்தியால் குத்திக் கொலை செய்துள்ள கொடூரச் சம்பவம் பெரும் அதிர்ச்சியை ஏற்படுத்தியுள்ளது. இந்தத் துயரச் சம்பவம் அவர்களின் ஒன்பது வயது மகள் கண்முன்னே நடந்துள்ளது ஒட்டுமொத்தப் பகுதியையும் சோகத்தில் ஆழ்த்தியுள்ளது. விவேக் அண்மைக் காலமாக மனநலப் பாதிப்பிற்குச் சிகிச்சை பெற்று வந்ததாகக் கூறப்படும் நிலையில் இந்த விபரீதம் நிகழ்ந்துள்ளது.

கொலைச் சம்பவத்தைத் தொடர்ந்து, விவேக் தனது மகளை பத்திரமாக மீட்டுத் தனது அண்ணனிடம் ஒப்படைத்துள்ளார். அதன் பின்னர், அவர் நேராக நீலாங்கரை காவல் நிலையத்திற்குச் சென்று, தான் செய்த குற்றத்தை ஒப்புக் கொண்டு காவல்துறையினரிடம் சரணடைந்தார். விவேக்கை உடனடியாகக் கைது செய்த போலீசார், அவரிடம் தீவிர விசாரணை மேற்கொண்டு வருகின்றனர்.

முத்துபிரியாவின் உடலைக் கைப்பற்றிய நீலாங்கரை காவல்துறையினர், பிரேதப் பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும், இந்தத் தம்பதியினருக்கு இடையே நீண்ட நாட்களாகக் குடும்பத் தகராறு ஏதேனும் நீடித்து வந்ததா அல்லது விவேக்கின் மனநலப் பாதிப்புதான் இந்தக் கொலைக்கு முக்கியக் காரணமா என்பது குறித்துப் பல்வேறு கோணங்களில் போலீசார் வழக்குப்பதிவு செய்து விசாரணை நடத்தி வருகின்றனர்.