“மனிதநேயம் செத்துவிட்டதா..?” பைக் மீது மின்னல் வேகத்தில் மோதிவிட்டு பறந்த கார்… பைக் ஒடிக்கு நேர்ந்த விபரீதம்…சிசிடிவியில் பதிவான மரண பய காட்சி..!!

மகாராஷ்டிர மாநிலம் கோலாப்பூர் மாவட்டத்தின் இச்சல்கரஞ்சி-கப்னூர் சாலையில் உள்ள கப்னூர் சவுக் பகுதியில், வேகமாக வந்த டாடா பஞ்ச் கார் ஒன்று இருசக்கர வாகனத்தின் மீது பின்னால் இருந்து பயங்கரமாக மோதிவிட்டு நிறுத்தாமல் சென்ற அதிர்ச்சி சம்பவம் அரங்கேறியுள்ளது. இச்சல்கரஞ்சியைச் சேர்ந்த சுஷாந்த் ஷெவாலே என்பவர் தனது இருசக்கர வாகனத்தில் அந்தச் சந்திப்பைக் கடக்க முயன்றபோது, பின்னால் வந்த வெள்ளை நிற கார் அவர் மீது மிகக் கொடூரமாக மோதியது. இந்த மோதலின் வேகத்தில் இருசக்கர வாகன ஓட்டி சாலையில் தூக்கி வீசப்பட்டார்.

விபத்து நேர்ந்த உடனேயே, கார் ஓட்டுநர் காயமடைந்த நபருக்கு உதவவோ அல்லது காவல்துறைக்குத் தகவல் தெரிவிக்கவோ முன்வராமல், சம்பவ இடத்திலிருந்து காரை வேகமாக ஓட்டித் தப்பியோடிவிட்டார். இந்த விபத்தில் பலத்த காயமடைந்த சுஷாந்த், உடனடியாக மீட்கப்பட்டு சிகிச்சைக்காக மருத்துவமனையில் அனுமதிக்கப்பட்டுள்ளார். விபத்தின் ஒட்டுமொத்தக் காட்சிகளும் அங்கிருந்த சிசிடிவி கேமராவில் பதிவாகி சமூக வலைத்தளங்களில் வைரலாகி வரும் நிலையில், அந்தப் பதிவை ஆதாரமாகக் கொண்டு உள்ளூர் காவல்துறை வழக்குப் பதிவு செய்து, தப்பியோடிய கார் ஓட்டுநரைத் தீவிரமாகத் தேடி வருகின்றனர்.