“கள்ளக்காதலனுடன் சேர்ந்து கணவன் கொ**” சடலமாக மீட்கப்பட்ட 30 வயது வாலிபர்.. தலைமறைவான மனைவி மற்றும் கள்ளக்காதலனுக்குப் போலீஸ் வலைவீச்சு..!!

தெலங்கானா மாநிலம் ஜெய்சங்கர் பூபாலபள்ளி மாவட்டத்தில், கள்ளக்காதலன் மீதான மோகத்தால் கணவனை மனைவியே கொடூரமாகக் கொலை செய்த அதிர்ச்சிச் சம்பவம் அரங்கேறியுள்ளது. மாவட்டத்தின் கொல்லபுத்தாரம் கிராமத்தைச் சேர்ந்த பவானி என்ற பெண், சந்தோஷ் என்ற இளைஞருடன் முறையற்ற உறவில் இருந்து வந்துள்ளார். இந்த கள்ளக்காதலுக்குத் தனது கணவர் அஜ்மீர் சந்து (30) இடையூறாக இருந்ததால், அவரைக் கொலை செய்யப் பவானி திட்டமிட்டுள்ளார்.

இதன்படி, பவானி தனது கள்ளக்காதலன் சந்தோஷுடன் சேர்ந்து கணவர் அஜ்மீர் சந்துவை நள்ளிரவில் கொடூரமாகக் கொலை செய்துள்ளார். பின்னர் கொலையை மறைப்பதற்காக, அவரது உடலைச் சிக்கன்பள்ளி அருகே உள்ள எட்லபண்டி என்ற பகுதியில் கொண்டு சென்று வீசியுள்ளனர். மறுநாள் காலையில் சடலத்தைக் கண்டு அதிர்ச்சியடைந்த அப்பகுதி மக்கள் போலீசாருக்குத் தகவல் கொடுத்துள்ளனர்.

தகவலறிந்து சம்பவ இடத்திற்கு விரைந்த போலீசார், அஜ்மீர் சந்துவின் உடலைக் கைப்பற்றிப் பிரேதப் பரிசோதனைக்கு அனுப்பி வைத்தனர். மேலும், இக்கொடூரச் சம்பவம் தொடர்பாக வழக்குப் பதிவு செய்துள்ள போலீசார், தலைமறைவாக உள்ள கள்ளக்காதலன் சந்தோஷ் மற்றும் கொலைக்குக் காரணமான மனைவி பவானி ஆகிய இருவரையும் தீவிரமாகத் தேடி வருகின்றனர்.