FLASH : ஓபிஎஸ்-க்கு அதிர்ச்சி வைத்தியம்: தேனியில் 1,000 ஆதரவாளர்களுடன் அதிமுகவில் ஐக்கியமான முக்கிய நிர்வாகிகள்..!!

தேனி மாவட்டத்தில் முன்னாள் முதலமைச்சர் ஓ. பன்னீர்செல்வத்தின் தீவிர ஆதரவாளர்களாக இருந்த முன்னாள் மாவட்ட ஊராட்சிக் குழுத் தலைவர் செல்லமுத்து, ராதா, ராஜகோபால், ஜெகதீஷ் உள்ளிட்ட 1,000-க்கும் மேற்பட்ட முக்கிய நிர்வாகிகள் மீண்டும் அதிமுகவில் தங்களை இணைத்துக் கொண்டுள்ளனர். கடந்த காலத்தில் ஓபிஎஸ் தரப்பில் இருந்து பிரிந்து திமுகவில் இணைந்த இவர்கள், அங்கு தங்களுக்கு உரிய அங்கீகாரம் கிடைக்காததாலும், ஓபிஎஸ் தங்களைச் சரியாக மதிக்காததாலும் அதிருப்தியில் இருந்ததாகக் கூறப்படுகிறது. இந்தச் சூழலில், அதிமுக தலைமை முன்னிலையில் அவர்கள் மீண்டும் தாய் கழகத்திற்குத் திரும்பியுள்ளனர்.

அதிமுகவில் இணைந்த பின்னர் செய்தியாளர்களிடம் பேசிய செல்லமுத்து உள்ளிட்ட நிர்வாகிகள், ஓபிஎஸ் மீதான தங்களது கடுமையான அதிருப்தியை வெளிப்படுத்தியுள்ளனர். திமுகவில் தங்களை இணைத்துக் கொண்ட போதிலும், ஓபிஎஸ் தங்களை ஒரு பொருட்டாக மதிக்கவில்லை என்றும், தங்களது அரசியல் எதிர்காலத்தைக் கருத்தில் கொள்ளாமல் சுயநலத்துடன் செயல்பட்டதாகவும் அவர்கள் குற்றம்சாட்டியுள்ளனர். இந்த புறக்கணிப்பே தங்களை மீண்டும் அதிமுக நோக்கி வரவழைத்ததாக அவர்கள் வருத்தத்துடன் தெரிவித்துள்ளனர்.

வரவிருக்கும் தேர்தலில் அம்பாசமுத்திரம் தொகுதியில் தனது மகனைக் களமிறக்க ஓபிஎஸ் திட்டமிட்டு, அதற்கான அரசியல் நகர்வுகளை மேற்கொண்டு வந்த வேளையில் இந்த விலகல் நிகழ்ந்துள்ளது. அவரது சொந்த மாவட்டமான தேனியிலேயே, அவரது தூண்களாகக் கருதப்பட்ட முக்கிய ஆதரவாளர்கள் 1,000 பேருக்கும் மேற்பட்டோருடன் ஒரே நேரத்தில் அதிமுகவில் ஐக்கியமானது ஓபிஎஸ்-க்கு அரசியல் ரீதியாகப் பெரும் அதிர்ச்சியை ஏற்படுத்தியுள்ளது. இந்த அதிரடி மாற்றம் தேனி மாவட்ட அரசியலில் பெரும் பரபரப்பைக் கிளப்பியுள்ளது.